Pópisanje

Pśidawa numerěrowane pópisanje za wubrany wobraz, tabelu, diagram, ramik abo formu. Móžośo teke z pšaweju tastu na zapisk kliknuś, kótaremuž cośo pópisanje pśidaś, aby pśistup k toś tomu pśikazoju měł.

Pópisanje

Zapódajśo tekst, kótaryž se ma za kategoriju a numerom pópisanja zjawiś.

Kakosći

Póstajśo nastajenja pópisanja za aktualny wuběrk.

Kategorija

Wubjeŕśo kategoriju pópisanja abo zapódajśo mě, aby nowu kategoriju napórał. Tekst kategorije se pśed abo za numerom pópisanja zjawijo, wótwisujucy wót nastajenja Pórjad pópisanjow w Nastajenja…. Pópisanja z pśeddefiněrowaneju kategoriju pópisanja se z wótstawkoweju pśedłogu formatěruju, kótaraž jo samske mě ako kategorija. Na pśikład se pópisanja, kótarež maju kategoriju „Zwobraznjenje“, z wótstawkoweju pśedłogu „Zwobraznjenje“ formatěruju.

Numerěrowanje

Wubjeŕśo typ numerěrowanja, kótaryž cośo w pópisanju wužywaś. Wuběrk se teke na pjerwjejšne pópisanja w kategoriji nałožujo.

Za numerom

Zapódajśo na žycenje tekstowe znamuška, kótarež se maju mjazy numerěrowanim a kategoriju zjawiś. Jano aktiwne, gaž jo Numerěrowanje ako prědne za Pórěd pópisanjow w Nastajenja… wubrane.

Pśed pópisanim

Zapódajśo na žycenje tekstowe znamuška, kótarež se maju za kategoriju a numerom pópisanja a pśed tekstom pópisanja zjawiś. Toś te znamuška se njezasajźuju, jolic tekst pópisanja njejo pódany.

Pozicija

Pśidawa pópisanje nad abo pód wubranym zapiskom. Toś to nastajenje jo jano za někotare objekty k dispoziciji.

Nastajenja…

Wócynja dialog Nastajenja, źož móžośo naglěd pópisanja pśiměriś. Móžośo numeroju pópisanja nadpismowy numer pśidaś, kategoriji a numeroju pópisanja znamjenjowu pśedłogu a pórěd kategorije a numera pópisanjow wubraś.

Awtomatiske pópisanje

Wócynja dialog Awtomatiske pópisanje. To jo samski dialog, kótaryž pśez Rědy – Nastajenja… – LibreOffice Writer – Awtomatiske pópisanje. Změny na toś tom dialogu zasajźone pópisanje za aktualny wuběrk njewobwliwuju.