Wótrězk

Nastaja kakosći wótrězka.

Nowy wótrězk

Zapódajśo mě za nowy wótrězk. Pó standarźe LibreOffice nowym wótrězkam awtomatiski mě „Wótrězk X“ pśipokazujo, pśi comž X jo běžny numer.

Zwězanje

Zwězanje

Zasajźujo wopśimjeśe drugego dokumenta abo wótrězka z drugego dokumenta do aktualnego wótrězka.

DDE

Napórajo zwězanje DDE. Wubjeŕśo toś ten kontrolny kašćik a zapódajśo pón pśikaz DDE, kótaryž cośo wužywaś. Nastajenje DDE jo jano k dispoziciji, jolic kontrolny kašćik Zwězanje jo wubrany.

Powšykna syntaksa za pśikaz DDE jo: „<Server> <Topic> <Item>“, pśi comž Server jo mě DDE za nałoženje, kótarež daty wopśimujo. Topic se na městno za Item póśěgujo (zwětšego datajowe mě) a Item reprezentěrujo pópšawny objekt.

Aby na pśikład wótrězk z mjenim „Wótrězk1“ z tekstowego dokumenta abc.odt ako zwězanje DDE zasajźił, wužywajśo slědujucy pśikaz: „soffice x:\abc.odt Wotrězk1“. Aby wopśimjeśe prědneje cele z tabelowego dokumenta Microsoft Excel z mjenim „abc.xls“ zasajźił, wužywajśo slědujucy pśikaz: „excel x:\[abc.xls]Tabela1 L1S1“. Móžośo teke elementy kopěrowaś, kótarež cośo ako zwězanje DDE zasajźiś a pón Wobźěłaś – Wopśimjeśe zasajźiś…. Móžośo pón pśikaz DDE za zwězanje pokazaś, gaž wopśimjeśe wuběraśo a pón Wobźěłaś – Póla….

Datajowe mjeno

Zapódajśo sćažku a datajowe mě za dataju, kótaruž cośo zasajźiś abo klikniśo na tłocašk Pśepytaś, aby dataju pytał.

Pśepytaś

Pytajśo dataju, kótaruž cośo ako zwězanje zasajźiś, a klikniśo pón na Zasajźiś.

Wótrězk

Wubjeŕśo wótrězk w dataji, kótaryž cośo ako zwězanje zasajźiś.

Gaž dokument wócynjaśo, kótaryž zwězane wótrězki wopśimujo, pšašaju se was, lěc cośo zwězanja aktualizěrowaś.

Pisański šćit

Šćitaś

Šćita wubrany wótrězk pśed wobźěłanim.

Z gronidłom

Šćita wubrany wótrězk z gronidłom. Gronidło musy nanejmjenjej 5 znamuškow měś.

Gronidło

Wócynja dialog, źož móžośo aktualne gronidło změniś.

Schowaś

Schowaś

Schowajo wubrany wótrězk a šćita jen pśed śišćanim. Komponenty schowanych wótrězkow se w Nawigatorje šere zjawiju. Gaž swój pokazowak myški nad schowanu komponentu w Nawigatorje źaržyśo, se pokaz pomocy „schowany“ pokažo.

Z wuměnjenim

Zapódajśo wuměnjenje, kótarež musy docynjone byś, až so wótrězk schował. Wuměnjenje jo logiski wuraz a musy pak TRUE pak FALSE byś.

Móžośo na pśikład pólnu wariablu x a jeje gódnotu na 1 stajiś. Pódajśo pón wuměnjenje na zakłaźe toś teje wariable za chowanje wótrězka, na pśikład: x EQ 1, aby wótrězk schował. Jolic cośo wótrězk pokazaś, stajśo gódnotu wariable x na 0.

Kakosći

Wiźiśo toś ten wobceŕk dialoga, gaž aktualny dokument jo dokument XForms.

W pśeśiwo pisanjeju šćitanem dokumenśe wobźěłujobny

Wubjeŕśo toś to nastajenje, aby wobźěłanje wopśimjeśe wótrězka dowólił, samo gaby dokument pśeśiwo pisanjeju šćitany był.