Manuelne łamanje zasajźiś
Zasajźujo manuelne łamanje smužki, słupa abo boka na aktualnej poziciji kursora.
Typ
Wubjeŕśo typ łamanja, kótaryž cośo zasajźiś.
Łamanje smužki
Kóńcy aktualnu smužku a pśesuwa tekst namakany napšawo wót kursora do pśiduceje smužki, bźez togo aby se nowy wótstawk napórał.
Městno nowego starta pódawa, źož se ma pśiduca smužka za łamanim smužki zachopiś.
Móžne gódnoty su dołojce.
Originalne tekstowe wugótowanje:
|
Gódnota |
Formatěrowańske znamuško |
Wóznam |
|---|---|---|
|
[Žeden] |
|
Direktnje z aktualneju smužku pókšacowaś. |
|
Pśiduca połna smužka |
|
Z pśiduceju połneju smužku pókšacowaś, kótaraž jo pód wšymi zakokulonymi objektami, kótarež aktualnu smužku prěce. |
|
Nalěwo |
|
Z pśiduceju smužku pókšacowaś, kótaraž njejo blokěrowana na lěwym boku. |
|
Napšawo |
|
Z pśiduceju smužku pókšacowaś, kótaraž njejo blokěrowana na pšawem boku. |
Standardna gódnota za łamanje smužki jo Žeden.
Móžośo teke standardne łamanje smužki zasajźiś, gaž Umsch (⇧)+Enter tłocyśo.
Łamanje słupa
Zasajźujo manuelne łamanje słupa (we wugótowanju z někotarymi słupami) a pśesuwa tekst namakany napšawo wót kursora do zachopjeńka pśiducego słupa. Manuelne łamanje słupa se pśez njeśišćajobnu liniju górjejce w nowem słupje pokazujo.
Tłocćo cmd ⌘Strg+Umsch (⇧)+Enter, aby łamanje słupa zasajźił.
Łamanje boka
Zasajźujo manuelne łamanje słupa a pśesuwa tekst namakany napšawo wót kursora do zachopjeńka pśiducego boka. Zasajźone łamanje słupa se pśez njeśišćajobnu liniju górjejce na nowem boku pokazujo.
Móžośo teke cmd ⌘Strg+Enter tłocyś, aby łamanje boka zasajźił. Jolic pak cośo slědujucemu bokoju drugu pśedłogu boka pśipokazaś, musyśo menijowy pśikaz wužywaś, aby manuelne łamanje boka zasajźił.
Pśedłoga boka
Wubjeŕśo pśedłogu boka za bok, kótaryž manuelnemu łamanjeju boka slědujo.
Aby mjazy prěcnym a wusokim formatom pśešaltował, wubjeŕśo pśedłogu boka Standard, aby wusoki format wužywał abo pśedłogu Prěcny format, aby prěcny format wužywał.
Numer boka změniś
Pśipokazujo bokoju, kótaryž manuelnemu łamanjeju boka slědujo, numer boka, kótaryž pódawaśo. Toś to nastajenje jo jano k dispoziciji, jolic bokoju, kótaryž manuelnemu łamanjeju boka slědujo, drugu pśedłogu boka pśipokazujośo.
Numer boka
Zapódajśo nowy numer boka za bok, kótaryž manuelnemu łamanjeju boka slědujo.
