Pólo Schowane wótstawki
Pokazujo abo chowa schowane wótstawki. Toś to nastajenje jano pokazanje wobrazowki schowanych wótstawkow wobwliwujo, a nic śišćanje schowanych wótstawkow.
Aby toś tu funkciju zmóžnił, wubjeŕśo – LibreOffice Writer – Naglěd a pśeznańśo se, lěc kontrolny kašćik Schowane wótstawki jo we wobceŕku Póla pokazaś wubrany.
Wužywajśo pólny pśikaz „Schowany wótstawk“, aby wuměnjenje pśipokazał, kótarež musy docynjone byś, aby se wótstawk schował. Jolic wuměnjenje njejo docynjone, se wótstawk pokažo.
Gaž wótstawk chowaśo, su nožki a ramiki, kótarež su na znamuškach we wótstawku zakokulone, se teke schowaju.