Póla wobźěłaś
Wócynja dialog, źož móžośo kakosći póla wobźěłaś. Klikniśo pśed pólo a wubjeŕśo pón toś ten pśikaz. Móžośo w dialogu šypkowe tłocaški wužywaś, aby pjerwjejšne abo pśiduce pólo pśesunuł.
Móžośo teke w swójom dokumenśe na pólo dwójcy kliknuś, aby pólo za wobźěłowanje wócynił.
Aby naglěd mjazy pólnymi mjenjami a pólnym wopśimjeśim w swójom dokumenśe změnił, wubjeŕśo Naglěd – Pólne mjenja.
Jolic zwězanje DDE w swójom dokumenśe wuběraśo a pón se dialog Zwězanja wobźěłaś wócynijo.
Jolic pśed pólo typa „wótpósłaŕ“ klikaśo a pón wuběraśo, se dialog Wužywaŕske daty wócynijo.
Typ
Nalicyjo typ póla, kótarež rowno wobźěłujośo.
Slědujuce dialogowe elementy su jano widobne, gaž wótpowědny pólny typ jo wubrany.
Wubraś
Nalicyjo pólne nastajenja, na pśikład „njepśeměnjaty“. Jolic cośo, móžośo na druge nastajenje za wubrany pólny typ kliknuś.
Format
Wubjeŕśo format za wopśimjeśe póla. Za datumowe, casowe a swójske póla móžośo teke na „Pśidatne formaty…“ w lisćinje kliknuś a wubjeŕśo pón drugi format. Formaty, kótarež su k dispoziciji, wót typa póla wótwisuju, kótarež wobźěłujośo.
Wótchylenje
Pokazujo wótchylenje za wubrany pólny typ, na pśikład za „PPśiducy bok“, „Licby bokow“ abo „Pjerwjejšny bok“. Móžośo nowu gódnotu za wótchylenje zapódaś, kótaraž se pokazanej licbje bokow pśidawa.
Jolic cośo pópšawnu licbu bokow a nic pokazanu licbu změnił, njewužywajśo gódnotu Wótchylenje. Aby licby bokow změnił, cytajśo rozpokazanje Licby bokow.
Až do rowniny
Wuběra nadpismo, kótarež se ma pó pódanem formaśe pokazaś. Prědne nadpismo pśed pólom, kótaregož rozrědowańska rownina jo jadnučka abo mjeńša ako pódana rozrědowańska rownina, se wuběra. Nastajenje jo jano za pólnej typa (dokument) a (wariabla) k dispoziciji.
Mě
Pokazujo mě pólneje wariable. Jolic cośo, móžośo nowe mě zapódaś.
Gódnota
Pokazujo aktualnu gódnotu pólneje wariable. Jolic cośo, móžośo nowu gódnotu zapódaś.
Wuměnjenje
Pokazujo wuměnjenje, kótarež musy za aktiwěrowanje póla docynjone byś. Jolic cośo, móžośo nowe wuměnjenje zapódaś.
Pótom, Howac
Změńśo pólne wopśimjeśe, kótarež se wótwisujucy wót togo pokazujo, lěc pólne wuměnjenje jo docynjone abo nic.
Referenca
Zasajźćo referencny tekst za wubrane pólo.
Mě makra
Pokazujo mě makra, kótarež jo se pśipokazało wubranemu pólu.
Zastupujucy symbol
Pokazujo zastupujucy tekst wubranego póla.
Tekst zasajziś
Pokazujo tekst, kótaryž jo z wuměnjenim zwězany.
Formula
Pokazujo formulu formulowego póla.
Lašowaś
Wótwónoźijo swójske pólo z lisćiny Wuběrk. Móžośo jano póla wótwónoźeś, kótarež se w aktualnem dokumenśe njewužywaju. Aby pólo z lisćiny wótwónoźeł, kótarež se w aktualnem dokumenśe wužywa, lašujśo nejpjerwjej wšykne instance póla w dokumenśe a wótwónoźćo jo z lisćiny.
Lašowaś
Wuběrk datoweje banki
Wubjeŕśo zregistrěrowanu datowu banku, z kótarejež cośo wubrane pólo zasajźiś. Móžośo teke tabelu abo wótpšašowanje změniś, na kótarejž se wubrane pólo pósěgujo.
Numer datoweje sajźby
Pokazujo numer datoweje sajźby datoweje banki, kótaraž se zasajźujo, gaž wuměnjenje za pódany pólny typ „Někaka datowa sajźba“ jo docynjone.
Šypka nalěwo
Skócyjo k pjerwjejšnemu pólu samskego typa w dokumenśe. Toś ten tłocašk jo jano aktiwny, gaž dokument někotare póla samskego typa wopśimujo.
Pjerwjejšne pólo
Šypka napšawo
Skócyjo k pśiducemu pólu samskego typa w dokumenśe. Toś ten tłocašk jo jano aktiwny, gaž dokument wěcej ako jadno pólo samskego typa wopśimujo.
Pśiduce pólo