Awtomatiski tekst

Napórajo, wobźěłujo abo zasajźujo awtomatiski tekst. Móžośo formatěrowany tekst, tekst z grafikami, tabele a póla ako awtomatiski tekst składowaś. Aby awtomatiski tekst malsnje zasajźił, zapódajśo skrotconku za awtomatiski tekst do swójogo dokumenta a tłocćo pón F3.

Móžośo teke na šypku pódla symbola Awtomatiski tekst na symbolowej rědce Zasajźiś kliknuś a pón awtomatiski tekst wubraś, kótaryž cośo zasajźiś.

Pśistup k toś tomu pśikazoju …

Z menijoweje rědki:

Wubjeŕśo Rědy – Awtomatiski tekst…

Z pówjercha z rejtarikami:

Wubjeŕśo Zasajźiś – Awtomatiski tekst.

Wubjeŕśo Awtomatiski tekst… w meniju Zasajźiś rejtarika Zasajźiś.

Ze symbolowych rědkow:

Awtomatiski tekst

Z tastatury:

+ F3

Awtomatiski tekst wužywaś

Awtomatiski tekst

Dialog Awtomatiski tekst kategorije a zapiski awtomatiskego teksta nalicyjo.

Za zapódaśe zbytny źěl mjenja ako naraźenje pokazaś

Pokazujo naraźenje za wudopołnjenje słowa ako pomagajucy pokaz, gaž prědne tśi pismiki słowa zapódawaśo, kótarež zapiskoju awtomatiskego teksta wótpowěduju. Tłocćo Enter, aby naraźenje pśiwzeł. Jolic někotare zapiski awtomatiskego teksta pismikam wótpowěduju, kótarež zapódawaśo, tłocćo +tabulator (↹), aby zapiski pśejšeł. Aby na pśikład slěpy tekst zasajźił, zapódajśo „slě“ a tłocćo pón Enter.

Aby lisćinu w nawopacnem pórěźe pokazał, tłocćo +Umsch (⇧)+tabulator (↹).

Mě

Nalicyjo mě tuchylu wubranego zapiska awtomatiskego teksta. Jolic sćo wubrał tekst w dokumenśe, zapódajśo mě nowego zapiska awtomatiskego teksta, klikniśo na tłocašk Awtomatiski tekst a wubjeŕśo pón Nowy.

Skrotconka

Pokazujo skrotconku za wubrany zapisk awtomatiskego teksta. Jolic nowy zapisk awtomatiskego teksta napórajośo, zapódajśo skrotconku, kótaruž cośo za toś ten zapisk wužywaś.

Lisćinowe pólo

Nalicyjo kategorije awtomatiskego teksta. Aby zapiski awtomatiskego teksta w kategoriji pokazał, klikniśo dwójcy na kategoriju abo klikniśo na plusowe znamuško (+) pśed kategoriju. Aby zapisk awtomatiskego teksta do aktualnego dokumenta zasajźił, wubjeŕśo zapisk w lisćinje a klikniśo pón na Zasajźiś.

Móžośo zapiski awtomatiskego teksta wót jadneje kategorije do drugeje śěgnuś a tam pušćiś.

Zasajźiś

Zasajźujo wubrany awtomatiski tekst do aktualnego dokumenta.

Jolic njeformatěrowany zapisk awtomatiskego teksta do wótstawka zasajźił, se zapisk z aktualneju wótstawkoweju pśedłogu formatěrujo.

Zacyniś

Zacynja dialog a składujo wšykne změny.

Awtomatiski tekst

Klikniśo, aby pśidatne pśikaze za awtomatiski tekst pokazał, na pśikład, aby nowy zapisk awtomatiskego teksta z tekstowego wuběrka w aktualnem dokumenśe napórał.

Nowy

Napórajo nowy zapisk awtomatiskego teksta z wuběrka w aktualnem dokumenśe. Zapisk se tuchylu wubranej kategoriji awtomatiskego teksta pśidawa. Musyśo nejpjerwjej mě zapódaś, nježli až toś ten pśikaz wiźiśo.

Nowy (jano tekst)

Napórajo nowy zapisk awtomatiskego teksta jano z teksta we wuběrku w aktualnem dokumenśe. Grafiki, tabele a druge objekty se njezapśimuju. Musyśo nejpjerwjej mě zapódaś, nježli až toś ten pśikaz wiźiśo.

Kopěrowaś

Kopěrujo wubrany awtomatiski tekst do mjazywótkłada.

Wuměniś

Wuměnja wopśimjeśe wubranego zapiska awtomatiskego teksta z wuběrkom w aktualnem dokumenśe.

Pśemjeniś

Wócynja dialog Awtomatiski tekst pśemjeniś, źož móžośo mě wubranego zapiska awtomatiskego teksta změniś.

Lašowaś

Wulašujo wubrany element abo elementy pó wobkšuśenju.

Wobźěłaś

Wócynja wubrany zapisk awtomatiskego teksta za wobźěłowanje w separatnem dokumenśe. Pśewjeźćo póžedane změny, wubjeŕśo Dataja – Awtomatiski tekst składowaś a pón Dataja – Zacyniś.

Makro

Wócynja dialog Makro pśipokazaś, źož k wubranemu zapiskoju awtomatiskego teksta makro pśipowjesaśo.

Móžośo teke makra wužywaś, kótarež su z někotarymi pódanych zapiskow awtomatiskego teksta, kótarež napórajośo, zwězane. Zapiski awtomatiskego teksta muse se z nastajenim „jano tekst“ napóraś. Zasajźćo na pśikład znamjenjowy rjeśazk <field:company> do zapiska awtomatiskego teksta a LibreOffice znamjenjowy rjeśazk z wwopśimjeśim wótpowědnego póla datoweje banki wuměnijo.

Import

Wócynja dialog, źož móžośo dokument abo dokumentowu pśedłogu Word 97/2000/XP wubraś, kótarejž zapiski awtomatiskego teksta wopśimujotej, kótarež cośo importěrowaś.

Kategorije

Pśidawa, pśemjenijo abo lašujo kategorije awtomatiskego teksta.

Kategorije wobźěłaś

Pśidawa, pśemjenijo abo lašujo kategorije awtomatiskego teksta.

Kategorija

Pokazujo mě wubraneje kategorije awtomatiskego teksta. Aby mě kategorije změnił, zapódajśo nowe mě a klikniśo pón na Pśemjeniś. Aby nowu kategoriju napórał, zapódajśo mě a klikniśo pón na Nowy.

Sćažka

Pokazujo aktualnu sćažku k zapisoju, źož su wubrane kategorijowe dataje awtomatiskego teksta skłaźone. Jolic kategoriju awtomatiskego teksta napórajośo, wubjeŕśo składowańske městno za kategorijowe dataje.

Nowy

Napórajo z mjenim, kótarež sćo zapódał do póla Mě, nowu kategoriju awtomatiskego teksta.

Pśemjeniś

Změnijo mě wubraneje kategorije awtomatiskego teksta do mjenja, kótarež sćo zapódał w pólu Mě.

Wuběrańska lisćina

Nalicyjo eksistěrujuce kategorije awtomatiskego teksta a wótpowědne sćažki.

Lašowaś

Wulašujo wubrany element abo wubrane elementy bźez wobkšuśenja.

Sćažka

Wócynja dialog Sćažki wobźěłaś, źož móžośo zapis za składowanje awtomatiskego teksta wubraś.

Aby zapisoju awtomatiskego teksta nowu sćažku pśidał, klikniśo na tłocašk Sćažka w dialogu Awtomatiski tekst.

Zwězanja relatiwnje składowaś

Wužywajśo toś ten wobceŕk, aby póstajił, kak se ma LibreOffice zwězanja do zapisa awtomatiskego teksta zasajźiś.

Datajowy system

Zwězanja ze zapisami awtomatiskego teksta na wašom licadle su relatiwne.

Internet

Zwězanja z datajami w interneśe su relatiwne.