Nawigěrowaś pó
Wuběrańske pólo Nawigěrowaś pó wuběranje kategorije zmóžnja, pó kótarejž se ma dokument nawigěrował, mjaz nimi boki, nadpisma, wótrězki, objekty, póla, komentary, nejnowše pytańske wuslědki a aktualnosć pozicije kursora. Móžośo pón šypkowej symbola Slědk a Dalej wužywaś, aby tekstowy kursor w dokumenśe na pjerwjejšny abo pśiducy cel pozicioněrował.
Z Nawigěrowaś pó źěłaś
Pó standarźe se kategorija Bok wuběra, jolic njejsćo wubrał drugu kategoriju, a šypki se pśez licbowe pólo wuměnjaju, kótarež dajo se wužywaś, aby k pjerwjejšnemu abo pśiducemu bokoju pśejšeł abo k wěstemu bokoju skócył.
Gaž drugu kategoriju wuběraśo, móžośo šypkowej tłocaška „Slědk“ abo „Dalej“ wužywaś. Pópisanja toś teju tłocaškowu typ objekta pódawatej, kótaryž sćo wubrał. Tekstowy kursor se pón na wubrany objekt stajijo.
Pjerwjejšny
Skócyjo k pjerwjejšnemu zapiskoju w dokumenśe. Aby zapiskowy typ pódał, ku kótaremuž se ma skócyś, klikniśo na lisćinu Nawigěrowaś pó a pón na zapiskowu kategoriju – na pśikład „Wobraze“.
Pjerwjejšny zapisk
Pśiducy
Skócyjo k pśiducemu zapiskoju w dokumenśe. Aby zapiskowy typ pódał, ku kótaremuž se ma skócyś, klikniśo na lisćinu Nawigěrowaś pó a pón na zapiskowu kategoriju – na pśikład „Wobraze“.
Pśiducy zapisk
Móžośo LibreOffice pó swójskich nastajenjach za nawigaciju w dokumenśe konfigurěrowaś. Aby to cynił, wubjeŕśo Rědy – Pśiměriś…. Wšake tabele za pśiměrjenje menijow, tastatury abo symbolowych rědce wšake funkcije za nawigaciju w dokumenśe w kategoriji „Nawigěrowaś“ wopśimuju. Móžośo na pśikład symbolowej rědce tłocaška pśidaś, aby k zapiskam zapisa w dokumenśe z pśikazoma „K pśiducemu resp. K pjerwjejšnemu zapiskoju zapisa“ skócył.
K dispoziciji stojece kategorije do dalokeje měry tym we wuběrańskem pólu Nawigator wótpowěduju. Móžośo pak druge skokańske cele wubraś, kótarež njejsu klasiske kategorije Nawigatora: na pśikład Dopomnjeśa, Wóspjetowańske pytanje abo Aktualnosć.
Wubjeŕśo jadnu ze slědujucych móžnosćow: cytańske znamjenja, komentary, wóźeńske elementy, kresleńske objekty, póla pó typje, póla, nožki, wobłuki, nadpisma, wobraze, zapise, OLE-objekty, bok, aktualnosć, dopomnjeśe, wóspjetowańske pytanje, wótrězki, wuběrk, tabelowa formula, tabele, tabelowa formula ze zmólkami.
Nožki
Wubjeŕśo kategoriju Nožki, aby mjazy nožkami a kóńcnymi nožkami skokał. To dajo se w zwisku z tłocaškom Kokulka ↔ Tekst w Nawigatorje wužywaś, aby malsnje mjazy tekstom nožki/kóńcneje nožki a jeje kokulku w tekstowem wopśimjeśu skokał.
Aktualnosć
Gaž se kategorija Aktualnosć wuběra, datej se tłocaška Slědk a Doprědka wužywaś, aby k aktualnym pozicijam kursora w dokumenśe skócyś.
Marki
Až do 5 markow (kótarež se njeskładuju, gaž dokument jo zacynjony) dajo se na rozdźělnych městnach w dokumenśe stajiś. Stajśo marku z tłocaškom Marku stajiś w Nawigatorje.
Marki se w tom pórěźe pśejdu, w kótaremž su póstajone. Marki se njeskładuju, gaž se dokument zacynja.
Pytanje wóspjetowaś
Z kategoriju móžośo pytanje wóspjetowaś, kótarež sćo z dialogom Pytaś a wuměniś abo ze symboloweju rědku Pytaś zachopił. Jolic něnto na jadnu ze šypkow klikaśo, se pytanje z ako slědnym pytanym zapśimjeśim pókšacujo.
Wuběrk
Jolic wěcejrazowy wuběrk jo aktiwny (na pśikład, gaž Strg + kliknjenje a śěgnjenje abo wuběrański modus za pśidawanje wužywaśo, abo pó pytanju Wšykne pytaś), wuběrk wam zmóžnja, wót jadnogo wuběrka do drugego skócyś.
Tabelowe formule
Z tabelowymi formulami móžośo pak z Tabelowa formula ku wšym tabelowym formulam skócyś, kótarež su we wašom dokumenśe pak z Tabelowa formula ze zmólkami jano k wopacnym. Z wopacnymi formulami móžośo jano k formulam skócyś, kótarež su k zmólkam wjadli. Program formule, kótarež k zmólkam wjedu, pśeskócyjo (pótakem take, kótarež na wopacne formule pokazuju).