Nawigator

Pokazujo abo chowa wokno Nawigatora, w kótaremž móžośo malsnje k drugim źělam dokumenta skócyś.

Wužywajśo Nawigator, aby elementy z aktualnego dokumenta abo drugich wócynjonych dokumentow zasajźił a globalne dokumenty zastojał.

Aby zapisk w Nawigatorje wodźěłał, klikniśo z pšaweju tastu na zapisk, a wubjeŕśo pón pśikaz z kontekstowego menija.

Móžośo Nawigator ku kšomje źěłowego wobceŕka pśidokowaś.

Aby Nawigator pśesunuł, śěgniśo jogo titelowu rědku.

Aby Nawigator pśidokował, śěgniśo jogo titelowu rědku do lěweje, pšaweje abo dolneje kšomy źěłowego wobceŕka. Aby Nawigator wótdokował, źaržćo tastu tłoconu a klikniśo dwójcy na šery wobceŕk Nawigatora.

Klikniśo na symbol Pokazaś (+) pódla kategorije w Nawigatorje, aby zapiski w kategoriji pokazał. Klikniśo na wócynjonu kategoriju, aby ju zacynił.

Aby licbu zapiskow w kategoriji wiźeł, stajśo pokazowak myški na kategoriju w Nawigatorje.

Aby k zapiskoju w dokumenśe skócył, klikniśo dwójcy na zapisk w Nawigatorje.

Aby k pśiducemu abo pjerwjejšnemu zapiskoju w dokumenśe skócył, wužywajśo lisćinu Nawigěrowaś pó, aby zapiskowu kategoriju wubrał, a klikniśo pón na šypce Slědk abo Dalej.

Nawigator wótpowědowanje mjazy aktualnym poziciskim elementom dokumentowego kursora a naglědom Nawigatora pó rozdźělnych kategorijach pokazujo: nadpisma, tabele, wótkaze a wěcej. Element se we wopśimjeśowem naglěźe Nawigatora pokazujo a wuzwigujo. Jolic element jo w zacynjonej rowninje, se trjebne rowniny nad njeju awtomatiski wócynjaju a wóstawaju pón wócynjone.

Dokumentowe elementy se pśez to wuzwiguju, až se jich barwa na pokazanem boku pśewobrośujo, gaž kursor myški w Nawigatorje nad mjenim zapiska źaržyśo. To zmóžnja, zajmowanosć na wuzwignjony element w Nawigatorje śěgnuś.

Nawigěrowaś pó

Wužywajśo wuběrańske pólo, aby zapiskowy typ wubrał, pó kótaremž se ma nawigěrowaś, gaž tłocaška Slědk a Dalej wužywaśo.

Pjerwjejšny

Skócyjo k pjerwjejšnemu zapiskoju w dokumenśe. Aby zapiskowy typ pódał, ku kótaremuž se ma skócyś, klikniśo na lisćinu Nawigěrowaś pó a pón na zapiskowu kategoriju – na pśikład „Wobraze“.

Pśiducy

Skócyjo k pśiducemu zapiskoju w dokumenśe. Aby zapiskowy typ pódał, ku kótaremuž se ma skócyś, klikniśo na lisćinu Nawigěrowaś pó a pón na zapiskowu kategoriju – na pśikład „Wobraze“.

Numer boka

Zapódajśo numer boka, ku kótaremuž cośo skócyś a tłocćo pón Enter. Wužywajśo wobwjertne pólo, aby nawigěrował.

Wopśimjeśowy nawigaciski naglěd

Pśešaltujo mjazy pokazanim wšych kategorijow w Nawigatorje a wubraneju kategoriju.

Kontekstowe menije wuběrk pśikazow wužywaju, kótarež su na toś tom boku pomocy nalicone. Pśikaze w kontekstowem meniju se změniju, wótwisujucy wót togo, kótara kategorija abo kótary zapisk stej wubranej.

Globalny naglěd pśešaltowaś

Pśešaltujo mjazy globalnym naglědom a normalnym naglědom, jolic globalny dokument jo wócynjony.

Głowowa smužka

Pśesuwa kursor do głowoweje smužki abo z głowoweje smužki do tekstowego wobceŕka dokumenta.

Nogowa smužka

Pśesuwa kursor do nogoweje smužki abo z nogoweje smužki do tekstowego wobceŕka dokumenta.

Kokulka <-> Tekst

Skócyjo mjazy tekst nožki a kokulku nožki.

Marku stajiś

Klikniśo how, aby marku na aktualnej poziciji kursora stajił. Móžośo až do pěś markow definěrowaś. Aby k marce skócył, klikniśo na lisćinu Nawigěrowaś pó, wubjeŕśo Marka a klikniśo pón na Slědk abo Dalej.

Až do rozrědowańskeje rowniny pokazaś

Klikniśo na symbol górjejce w Nawigatorje abo klikniśo z pšaweju tastu na nadpismo we woknje Nawigatora a rozsuźćo, kak se ma wjele rowninow nadpismow we wótrězku Nadpisma wokna Nawigatora pokazaś.

Wubjeŕśo na pśikład 1, aby jano nadpismo z rozrědowańskeju rowninu 1 pokazał. Wubjeŕśo 3, aby nadpisma až do rozrědowańskeje rowniny 3 pokazał; wubjeŕśo 10, aby wšykne nadpisma pokazał.

Lisćinowe pólo

Pokazujo abo chowa lisćinu Nawigatora.

Rozrědowańsku rowninu wušej zastopnjowaś

Zastopnjujo rozrědowańsku rowninu wubranego nadpisma a nadpismow, kótarež su pód nim wó jadnu rowninu. Aby rozrědowańsku rowninu wubranego nadpisma wušej zastopnjował, źaržćo tastu tłoconu a klikniśo pón na toś ten symbol.

Rozrědowańsku rowninu nižej zastopnjowaś

Zastopnjujo rozrědowańsku rowninu wubranego nadpisma a nadpismow, kótarež su pód nadpismom, wó jadnu rowninu nižej. Aby jano rozrědowańsku rowninu wubranego nadpisma nižej zastopnjował, źaržćo tastu tłoconu a klikniśo pón na toś ten symbol.

Nadpismo górjej pśesunuś

Pśesuwa wubrane nadpismo a tekst pód nadpismom w Nawigatorje a w dokumenśe wó jadnu nadpismowu poziciju górjej. Aby jano wubrane nadpismo pśesunuł a nic pśisłušny tekst z nadpismom, źaržćo tastu a klikniśo pón na toś ten symbol.

Nadpismo dołoj pśesunuś

Pśesuwa wubrane nadpismo a tekst pód nadpismom w Nawigatorje a w dokumenśe wó jadnu nadpismowu poziciju dołoj. Aby jano wubrane nadpismo pśesunuł a nic pśisłušny tekst z nadpismom, źaržćo tastu a klikniśo pón na toś ten symbol.

Śěgaty modus

Staja nastajenja za śěgnjenje a pušćenje za zasajźowanje zapiskow z Nawigatora do dokumenta, na pśikład ako wótkaz. Klikniśo na toś ten symbol a wubjeŕśo pón nastajenje, kótarež cośo wužywaś.

Ako wótkaz zasajźiś

Napórajo wótkaz, gaž zapisk pśez śěgnjenje a pušćenje do dokumenta zasajźujośo. Klikniśo na wótkaz w dokumenśe, aby k zapiskoju skócył, na kótaryž wótkaz pokazujo.

Ako zwězanje zasajźiś

Zasajźujo wubrany zapisk ako zwězanje na tom městnje, źož w aktualnem dokumenśe śěgaśo a pušćijośo. Tekst se ako šćitane wótrězki zasajźujo. Wopśimjeśe zwězanja se awtomatiski aktualizěrujo, gaž se žrědło změnja. Aby zwězanje manuelnje w dokumenśe aktualizěrował, wubjeŕśo Rědy – Aktualizěrowaś – Zwězanja. Njamóžośo zwězanja wót grafikow, OLE-objektow, referencow a zapisow napóraś.

Ako kopiju zasajźiś

Zasajźujo kopiju wubranego zapiska, źož w aktualnem dokumenśe śěgniśo a pušćijośo. Njamóžośo kopije grafikow, OLE-objektow, referencow a zapiskow śěgnuś a pušćiś.

Wócynjone dokumenty

Nalicyjo mjenja wšych wócynjonych tekstowych dokumentow. Aby se wopśimjeśe dokumenta we woknje Nawigatora woglědał, wubjeŕśo mě dokumenta w lisćinje. Aktualny dokument, kótaryž se w Nawigatorje pokazujo, se ze słowom „aktiwny“ za swójim mjenim w lisćinje wóznamjenijo.

Rozrědowanju slědowaś

Nastajśo modus za rozrědowańskego slědowanje Nawigatora. Toś ta funkcija jano za rozrědowańske zapiski pód Nadpisma we wobłuku wopśimjeśowego naglěda Nawigatora płaśi. Aby se modus woglědał, zmóžnił abo změnił, klikniśo z pšaweju tastu na Nadpisma abo na zapisk pód „Nadpisma“ a wubjeŕśo Rozrědowanju slědowaś. Wubrany modus se na ceły dokument nałožyjo.

W modusoma Standard a Fokus Nawigator awtomatiski nejbliše nadpismo pśed aktualneju poziciju kursora w dokumenśe wuběra.

W modusu Standard se pokazanje rozrědowańskich zapiskow w Nawigatorje nigda njezměnijo, jano rozrědowański zapisk se wuběra.

W modusu Fokus Nawigator jano nadpisma za wubranu rozrědowańsku rowninu relatiwnje k pśiducej wušej rozrědowańskej rowninje pokazujo. Jolic se na pśikład nadpismo rowniny 2 wuběra, se wšykne nadpisma rowniny 2 pód samskim nadpismom rowniny 1 pokazuju, mjaztym až se wšykne nadpisma rowninow 3-10 (pód samskim nadpismom rowniny 1) chowaju. Druge nadpisma, kótarež njejsu pód samskim nadpismom rowniny 1, se teke chowaju.

Wubjeŕśo Znjemóžniś, aby Rozrědowanju slědowaś znjemóžnił.

Kopěrowaś

Kopěrujo nadpismo a wopśimjeśe, kótarež nadpismoju slědujo až do pśiducego nadpisma ze samskeju rozrědowańskeju rowninu. Wopśimjeśe wótstawki z rozrědowańskeju rowninu „Žeden“ a nadpisma z rozrědowańskeju rowninu, kótaraž jo wětša ako kopěrowane nadpismo, wopśimujo. Móžośo wopśimjeśe na drugem městnje w dokumenśe zasajźiś.

Nadpismo lašowaś

Lašujo nadpismo a wopśimjeśe, kótarež nadpismoju slědujo, až do pśiducego nadpisma ze samskeju rozrědowańskeju rowninu. Toś to wopśimjeśe wótstawki z rozrědowańskeju rowninu „Žeden“ a nadpisma z rozrědowańskeju rowninu wopśimujo, kótaraž jo wětša ako wulašowane nadpismo.

Wubraś

Wuběra nadpismo a wopśimjeśe, kótarež nadpismoju slědujo, až do pśiducego nadpisma ze samskeju rozrědowańskeju rowninu. Toś to wopśimjeśe wótstawki z rozrědowańskeju rowninu „Žeden“ a nadpisma z rozrědowańskeju rowninu wopśimujo, kótaraž jo wětša ako wubrane nadpismo.

Pokazaś

Wubjeŕśo dokument, kótaryž cośo se woglědaś.

Wobźěłaś

Wobźěłajśo kakosći wubranego objekta.

Pśemjeniś

Pśemjenijo wubrany objekt. Za cas napóranja objekta LibreOffice objektoju jadnorazowe mě w dokumenśe pśipokazujo.

Tabelu wulašowaś

Wulašujo wubranu tabelu.

Tabeli slědowaś

Markěrujśo toś ten kontrolny kašćik, aby tabele zapśimjeł, gaž se změny slěduju.

Wobłuk lašowaś

Wulašujo wobłuk a wšo jogo wopśimjeśe.

Wobłukoju slědowaś

Markěrujśo toś ten kontrolny kašćik, aby wobłuki zapśimjeł, gaž se změny slěduju.

Wótrězkoju slědowaś

Markěrujśo toś ten kontrolny kašćik, aby wótrězki zapśimjeł, gaž se změny slěduju.

Wobraz lašowaś

Lašujo wobraz.

Wobrazoju slědowaś

Markěrujśo toś ten kontrolny kašćik, aby wobraze zapśimjeł, gaž se změny slěduju.

OLE-objekt lašowaś

Lašujo OLE-objekt.

OLE-objektoju slědowaś

Markěrujśo toś ten kontrolny kašćik, aby OLE-objekty zapśimjeł, gaž se změny slěduju.

Cytańske znamje lašowaś

Lašujo cytańske znamje.

Cytańske znamjenjeju slědowaś

Markěrujśo toś ten kontrolny kašćik, aby cytańske znamjenja zapśimjeł, gaž se změny slěduju.

Hyperwótkaz lašowaś

Lašujo hyperwótkaz.

Hyperwótkazoju slědowaś

Markěrujśo toś ten kontrolny kašćik, aby hyperwótkaze zapśimjeł, gaž se změny slěduju.

Referencu lašowaś

Lašujo referencu.

Referency slědowaś

Markěrujśo toś ten kontrolny kašćik, aby reference zapśimjeł, gaž se změny slěduju.

Aktualizěrowaś

Aktualizěrujo zapis.

Wótwónoźeś

Wótwónoźujo zapis. Wopśimjeśe zapisa se njelašujo, ale z nim ako ze zapisom wěcej njewobchadaju.

Pśeśiwo pisanjeju šcitany

Markěrujśo toś ten kontrolny kašćik, aby wobźěłanjeju wopśimjeś zapisa zajźował.

Zapis lašowaś

Lašujo zapis.

Zapisoju slědowaś

Markěrujśo toś ten kontrolny kašćik, aby zapise zapśimjeł, gaž změny slědujośo.

Komentar lašowaś

Lašujo komentar.

Komentaroju slědowaś

Markěrujśo toś ten kontrolny kašćik, aby komentary zapśimjeł, gaž změnam slědujośo.

Kresleński objekt lašowaś

Lašujo kresleński objekt.

Kresleńskemu objektoju slědowaś

Markěrujśo toś ten kontrolny kašćik, aby kresleńske objekty zapśimjeł, gaž změnam slědujośo.

Pólo lašowaś

Lašujo pólo.

Póloju slědowaś

Markěrujśo toś ten kontrolny kašćik, aby póla zapśimjeł, gaž změnam slědujośo.

Nožku lašowaś

Lašujo nožku.

Nožce slědowaś

Markěrujśo toś ten kontrolny kašćik, aby nožki zapśimjeł, gaž změnam slědujośo.

Kóńcnu nožku lašowaś

Lašujo kóńcnu nožku.

Kóńcnej nožce slědowaś

Markěrujśo toś ten kontrolny kašćik, aby kóńcne nožki zapśimjeł, gaž změnam slědujośo.

Alfabetiski sortěrowaś

Sortěrujo wšykne zapiski we wubranej kategoriji alfabetiski. Znjemóžniśo toś to nastajenje, aby zapiski pó jich pórěźe wustupowanja w dokumenśe sortěrował.

Wšykne kategorije pokazaś abo schowaś

Pokazujo abo chowa pokazanje objektow pód wubraneju kategoriju. Mjenja dokumentowych objektow se pód zapiskom kategorije pokazuju. Klikniśo na zapisk, aby k objektoju w dokumenśe skócył.

Źiśo k

Skócyjo k wubranemu objektoju w dokumenśe.