Formulowe źěle manuelnje wusměriś

Kak daju se znamuška w LibreOffice Math malsnje a lažko wusměriś?

Aby to pśewjadł, musyśo prozne kupki a znamuškowe rjeśazki definěrowaś. Njetrjebaju rum, ale njejsu informacije, kótarež pśi wusměrjenju pomagaju.

Aby prozne kupki napórał, zapódajśo wuzgibnjone spinki {} do wokna Pśikaze. W slědujucem pśikłaźe ma se łamanje smužki dojśpiś, aby plusowe znamuška jadno pód drugim byli, lěcrownož se w górnej smužce jadno znamuško mjenjej zapódawa.

a+a+a+{} newline {}{}{}{}{}a+a+a+a

Prozne znamuškowe rjeśazki su jadnora móžnosć, aby se teksty a formule na lěwej kšomje wusměrili. Definěruju se z pomocu dwójnych pazorkow "". Njewužywajśo typografiske pazorki. Pśikład:

"Dalšny pśikład." newline a+b newline "" c-d