Formulu z dataje importěrowaś

Toś ten pśikaz dialog za importěrowanje formule wócynja.

Dialog Zasajźiś jo ako dialog Wócyniś pód Dataja skonfigurěrowany. Wužywajśo dialog Zasajźiś, aby formulu zacytał, wobźěłał a pokazał, kótaraž jo se składła we woknje Pśikazy.

Móžośo dataje MathML importěrowaś, kótarež su se napórali teke pśez druge nałoženja. Žrědło MathML musy element math z atributom xmlns z gódnotu "http://www.w3.org/1998/Math/MathML" měś. Rěcy MathML a StarMath njejstej dopołnje kompatibelnej, togodla wy měł importowy wuslědk pśeglědowaś. Za drobnostki wó rěcy MathML glejśo jeje specifikaciju.

MathML z mjazywótkłada importěrowaś

Toś ten pśikaz wopśimjeśe MathML mjazywótkłada do StarMath pśetwórjujo a zasajźujo jen na aktualnej poziciji kursora.

Jolic se pśetwórjenje njeraźi, se nic njezasajźijo.

Toś ten pśikaz jano z wopśimjeśim MathML funkcioněrujo. Jolic sćo kopěrował formulu LibreOffice Math do mjazywótkłada, zasajźćo ju z pomocu pśikaza Zasajźiś w meniju Wobźěłaś.