Wótkłon

Wužywajśo toś ten dialog, aby wótkłon mjazy formulowymi elementami póstajił. Wótkłon se ako procentowa sajźba w poměrje k zakładnej wjelikosći pódawa, kótaraž jo pód Format – Pismowa wjelikosć definěrowana.

Wužywajśo tłocašk Kategorija, aby formulowy element póstajił, za kótaryž cośo wótkłon pódaś. Naglěd dialoga wót wubraneje kategorije wótwisujo. Pśeglěd wam pokazujo, kótary wótkłon se pśez dane póla změnja.

Kategorija

Toś ten tłocašk wam zmóžnja, kategoriju wubraś, za kótaruž cośo wótkłon změniś.

Wótkłon

Definěrujo wótkłon mjazy wariablami a operatorami, mjazy smužkami a mjazy kórjenjowymi znamuškami a radikandami.

Wótkłon

Definěrujo wótkłon mjazy wariablami a operatorami.

Smužkowy wótkłon

Póstaja wótkłon mjazy smužkami.

Kórjenjowy wótkłon

Póstaja wótkłon mjazy kórjenjowym znamuškom a radikandami.

Indekse

Definěrujo wótkłon mjazy wušejstajonymi a nižejstajonymi indeksami.

Wušejstajony

Póstaja wótkłon za wušejstajone indekse.

Nižejstajony

Póstaja wótkłon za nižejstajonymi indeksami.

Łamki

Definěrujo wótkłon mjazy łamkoweju smužku a licakom abo mjenowakom.

Licak

Póstaja wótkłon mjazy łamkoweju smužku a licakom.

Mjenowak

Póstaja wótkłon mjazy łamkoweju smužku a mjenowakom.

Łamkowe smužki

Definěrujo naddłujkosć a linijowu tłustosć łamkoweje smužki.

Naddłujkosć

Póstaja naddłujkosć łamkoweje smužki.

Linijowa tłustosć

Póstaja linijowu tłustosć łamkoweje smužki.

Granice

Definěrujo wótkłon mjazy sumowym symbolom a granicami.

Górna granica

Póstaja wótkłon mjazy sumowym symbolom a górneju granicu.

Dolna granica

Póstaja wótkłon mjazy sumowym symbolom a dolneju granicu.

Spinki

Definěrujo wótkłon mjazy spinkami a wopśimjeśim.

Nadwjelikosć (nalěwo/napšawo)

Póstaja wertikalny wótkłon mjazy górneju kšomu wopśimjeśa a górnym kóńcom spinkow.

Wótkłon

Póstaja horicontalny wótkłon mjazy wopśimjeśim a górnym kóńcom spinkow.

Wšykne spinki skalěrowaś

Skalěrujo wšykne typy spinkow. Jolic pón (a over b) do wokna Pśikaze zapódawaśo, spinki cełu wusokosć argumenta wobdawaju. W normalnem paźe toś ten efekt dojśpijośo, gaž left ( a over b right ) zapódawaśo.

Nadwjelikosć

Pśiměrjujo nadwjelikosć w procentach. Z 0 procentami se spinki tak stajaju, aby argument w tej samskej wusokosći wobdawali. Šym wuša zapódana gódnota, śim wětša jo wertikalny mjazyrum mjazy wopśimjeśim spinkow a wenkownym ramikom spinkow. Pólo dajo se jano w kombinaciji z Wšykne spinki skalěrowaś wužywaś.

Matrikse

Definěrujo relatiwny wótkłon za elementy w matriksy.

Smužkowy wótkłon

Póstaja wótkłon mjazy matriksowymi elementami w smužce.

Słupowy wótkłon

Póstaja wótstup mjazy matriksowymi elementami w słupje.

Symbole

Definěrujo wótkłon symbolow w poměrje k wariablam

Primarna wusokosć

Definěrujo wusokosć symbolow w poměrje k zakładnej liniji.

Minimalny wótkłon

Póstaja minimalny wótkłon mjazy symbolom a wariablu.

Operatory

Definěrujo wótkłon mjazy operatorami a wariablami abo licbami.

Nadwjelikosć

Póstaja wusokosć wót wariable do górneje kšomy operatora.

Wótkłon

Póstaja horicontalny wótkłon mjazy operatorami a wariablami.

Ramiki

Pśidawa wašej formuli ramik. Toś to nastajenje jo wósebnje wužytne, jolic cośo formulu do tekstoweje dataje w LibreOffice Writer integrěrowaś. Gaž nastajenja pśewjeźośo, njewužywajśo na žeden pad 0 ako wjelilkosć, dokulaž to problemy z pokazanim za tekst zawinujo, kótaryž zasajźeński dypk wobdawa.

Nalěwo

Lěwy ramik se mjazy formulu a slězynu pozicioněrujo.

Napšawo

Pšawy ramik se mjazy formulu a slězynu pozicioněrujo.

Górjejce

Górny ramik se mjazy formulu a slězynu pozicioněrujo.

Dołojce

Dolny ramik se mjazy formulu a slězynu pozicioněrujo.

Standard

Składujo waše změny ako waše standardne nastajenja za wšykne nowe formule. Wěstotna powěźeńka se zjawijo, nježli až se toś te změny składuju.