Pisma
Definěrujo pisma, kótarež móžośo na formulowe elementy nałožyś.
Formulowe pisma
Móžośo pisma za wariable, funkcije, licby a zasajźony tekst definěrowaś, kótarež elementy wašeje formule su.
Lisćinowe póla w dialogu Pisma standardne pismo za wšykne elementy pokazuju. Aby pismo změnił, klikniśo na Změniś a wubjeŕśo pón elementowy typ. Nowe dialogowe pólo se zjawijo. Wubjeŕśo póžedane pismo a zmóžniśo póžedane atributy. Klikniśo pón na W pórěźe. Aby změny ako standardne pisma nastajił, klikniśo na tłocašk Standard.
Joli cośo jadnotliwe tekstowe źěle z pismom wóznamjeniś, kótarež se wót pisma cełego teksta wótchyla, zapódajśo pśikaz Pismo do wokna Pśikaze.
Wariable
Móžośo pisma za wariable w swójej formuli wubraś. W formuli x=SIN(y) na pśikład stej x a y wariabli a pokazujotej pśipokazane pismo.
Funkcije
Wubjeŕśo pisma za mjenja a kakosći funkcijow. W formuli x=SIN(y) na pśikład jo =SIN( ) funkcija.
Licby
Móžośo pisma za licby w swójej formuli wubraś.
Tekst
Wubjeŕśo how pisma za tekst w swójej formuli.
Swójske pisma
W toś tom wótrězku dialoga Pisma móžośo pisma definěrowaś, z kótarymiž móžośo druge tekstowe komponenty w formuli formatěrowaś. Tśi zakładne pisma Serif, Sans a Fixed su k dispoziciji. Móžośo kuždemu zainstalěrowanemu zakładnemu pismoju dalšne pisma pśidaś. Kužde pismo na wašom systemje jo za wužywanje k dispoziciji. Wubjeŕśo tłocašk Změniś, aby wuběrk w lisćinowem pólu rozšyrił.
Toś te swójske pisma se wužywaju, jolic sćo nastajił z pśikazom FONT druge pismo we woknje Pśikaze.
Serif
Móžośo pismo pódaś, kótarež se ma za format font serif wužywaś. Serify su małe smužcycki, kótarež na pśikład dołojce na pismiku A widobne, gaž se serifowe pismo Times wužywa. Serify su wužytne, dokulaž wócko cytarja narowno wjadu a tak cyanje póspěšuju.
Sans
Móžośo pismo pódaś, kótarež se ma za formatěrowanje pisma sans wužywaś.
Fixed
Móžośo pismo pódaś, kótarež se ma za formatěrowanje pisma fixed wužywaś.
Změniś
Klikniśo na jaden ze zapiskow z toś togo wuskokujucego menija, aby pśistup k dialogoju Pisma dostał, źož móžośo pismo a atributy za wótpowědnu formulu a za swójske pisma definěrowaś.
Standard
Klikniśo na toś ten tłocašk, aby swóje změny ako standard za wšykne nowe formule składował. Za tym až sćo wobkšuśił změny, klikniśo na tłocašk Jo.
