Skalěrowanje

Nadrobnjejše informacije wó skalěrowanju w LibreOffice Math a někotare pśikłady móžośo how namakaś. (Pazorki w toś tom teksće su jano za wuzwignjenje a njejsu źěl pśikładow.)

Fakultowe znamuško se njeskalěrujo (na pśikład: "fact stack{a#b}" a "fact {a over b}"), ale wusměrjujo se na zakładnej liniji abo wesrjejź argumenta.

Spinki maju teke pśecej kšutu wjelikosć. To za wšykne symbole płaśi, kótarež daju se ako spinki wužywaś. Pśirownajśo "(((a)))", "( stack{a#b#c})", "(a over b)".

Spinki pak, pśed kótarymiž "left" abo "right" stoj, se pśecej argumentoju pśiměrjuju. Glejśo "left(left(left(a right)right)right)", "left(stack{a#b#c}right)", "left(a over b right)".

Někotare atributy maju kšute wjelikosći; njezměnjajśo je, jolic su nad dłujkim symbolom.