Format
Móžośo mjazy wšakimi nastajenjami za formatěrowanje formule LibreOffice Math wubraś. Formatěrowańske nastajenja se w dolnem źělu wobceŕka Elementy pokazuju. Toś te nastajenja se teke w kontekstowem meniju wokna Pśikaze nalicyju.
Slědujuca lisćina jo dopołna lisćina formatěrowańskich nastajenjow, kótarež su w LibreOffice Math k dispoziciji. Symbol pódla formatěrowańskego nastajenja pódawa, aby pśistup k njomu pśez wobceŕk Elementy (wubjeŕśo Naglěd – Elementy) abo pśez kontekstowy meni wokna Pśikaze měł.
Pismik „a“ se na zastupujucy symbol we wašej formuli póśěgujo, kótaryž cośo wótpowědnemu formatěrowanjeju pśipokazaś. Móžośo toś to znamuško z někakim drugim wuměniś.
Formatěrowańske nastajenja
Wušej stajony nalěwo
Zasajźujo eksponent nalěwo pódla zastupujucego symbola. Móžośo teke <?>lsup{<?>} do wokna Pśikaze zapódaś.
Wušej stajony górjejce
Zasajźujo eksponent direktnje nad zastupujucym symbolom. Móžośo teke <?>csup<?> direktnje do wokna Pśikaze zapódaś.
Wušej stajony napšawo
Zasajźujo eksponent napšawo pódla zastupujucego symbola. Móžośo teke <?>^{<?>} direktnje do wokna Pśikaze zapódaś, abo wužywaśo rsup abo sup.
Wertikalny štapjel (2 elementa)
Zasajźujo wertikalny štapjel (binom) z dwěma zastupujucyma symboloma. Móžośo teke binom<?><?> direktnje do wokna Pśikaze zapódaś.
Nowa smužka
Zasajźujo nowu smužku do wašogo dokumenta. Móžośo teke newline direktnje do wokna Pśikaze zapódaś.
Nižej stajony nalěwo
Zasajźujo indeks nalěwo pódla zastupujucego symbola. Móžośo teke <?>lsub{<?>} do wokna Pśikaze zapódaś.
Nižej stajony dołojce
Zasajźujo indeks pód zastupujucym symbolom. Móžośo teke <?>csub<?> direktnje do wokna Pśikaze zapódaś.
Nižej stajony napšawo
Zasajźujo indeks napšawo pódla zastupujucego symbola. Móžośo teke <?>_{<?>} do wokna Pśikaze zapódaś. Nižej stajona smužka dajo se z rsub abo sub wuměniś.
Wertikalny štapjel (3 elementy)
Zasajźujo wertikalny štapjel z tśimi zastupujucymi symbolami. Móžośo teke stack {<?>#<?>#<?>} do wokna Pśikaze zapódaś.
Mały mjazyrum
Zasajźujo mały mjazyrum mjazy zastupujucym symbolom a pśiducym elementom. Móžośo teke ` direktnje do wokna Pśikaze zapódaś. Pśikaz musy se nalěwo abo napšawo pódla symbola, wariable, licby abo dopołnego pśikaza zjawiś.
Nalěwo wusměrjony
Toś ten symbol „a“ nalěwo wusměrjujo a zasajźujo zastupujucy symbol. Móžośo alignl<?> direktnje do wokna Pśikaze zapódaś.
Horicontalnje centrěrowane wusměrjenje
Pśipokazujo pismikoju „a“ horicontalne centrěrowane wusměrjenje a zasajźujo zastupujucy symbol. Móžośo teke alignc<?> direktnje do wokna Pśikaze zapódaś.
Wusměrjenje napšawo
Zasajźujo pśikaz za wusměrjenje napšawo a zastupujucy symbol. Móžośo teke alignr<?> do wokna Pśikaze zapódaś.
Matriksowy štapjel
Toś ten symbol matriks ze styrimi zastupujucymi symbolami zasajźujo. Móžośo teke matrix{<?>#<?>##<?>#<?>} direktnje do wokna Commands zapódaś. Pozicija elementa w toś tom diagramje se pśez dwě koordinaśe pódawa; prědna smužkowy numer a druga słupowy numer pódawa. Móžośo toś tu matriks we woknje Pśikaze k někakemu směroju rozšyriś, gaž znamuška pśidawaśo.
Mjazyrum
Toś ten symbol mjazyrum abo prozne znamje mjazy zastupujucymi symbolami zasajźujo. Móžośo teke ~ direktnje do wokna Pśikaze zapódaś. Pśikaz musyi se nalěwo abo napšawo pódla symbola, wariable, licby abo dopołnego pśikaza zjawiś.
Pśikaze alignl, alignc a alignr za wusměrjenje su pśedewšym efektiwne, jolic
-
licaki a mjenowaki wusměrjujośo, na pśikład {alignl a}over{b+c},
-
binomy abo štapjele natwarjaśo, na pśikład binom{2*n}{alignr k},
-
elementy w matriksy wusměrjujośo, na pśikład matrix{alignr a#b+2##c+1/3#alignl d} a
-
nowu smužku zachopinaśo, na pśikład a+b-c newline alignr x/y.
Gaž wusměrjeńske pśikaze wužywaśo, źiwajśo na to, až
-
směju jano na zachopjeńku wurazow staś a jano jaden raz wustupowaś. Tohodla móžośo a+b alignr c zapódaś, ale nic a+alignr b
-
se mjazy sobu wobwliwuju. To groni, až se a napšawo wusměrjujo, gaž {alignl{alignr a}}over{b+c} zapódawaśo.
Aby z pomocu pśikaza „matrix“ wusměrił:
matrix{
alignr sin^2 x + cos^2 x#{}={}#alignl 1 ##
alignr cos^2 x #{}={} #alignl 1 - sin^2 x
}
Nalěwo wusměriś
Jolic se smužka abo wuraz z tekstom zachopina, wusměrjujo se pó standarźe nalěwo. Móžośo to z jadnym z pśikazow align změniś. Pśikład jo stack{a+b-c*d#alignr "tekst"}, źož se "tekst" napšawo wusměrjony zjawijo. Źiwajśo na to, až tekst musy pśecej pśez pazorki wobdane byś.
Pó standarźe centrěrowane formule daju se nalěwo wusměriś, bźez togo aby meni Format – Wusměriś wužywał. Aby to cynił, stajśo prozny znamuškowy rjeśazk, to groni, pazorki, kótarež někaki tekst wobdawaju "", pśed wótrězk formule, kótaryž cośo wusměriś. Gaž na pśikład "" a+b newline "" c+d zapódawaśo, se wobej rownicy nalěwo wusměrjujotej, město aby se centrěrowałej.
Gaž informacije do wokna Pśikaze zapódawaśo, źiwajśo na to, až se někotare formaty prozne znamjenja za korektnu strukturu pominaju. To pśedewšym płaśi, gaž gódnoty (na pśikład a lsup{3}) město zastupujucych symbolow zapódawaśo.
Klikniśo na Spinki a zrědowanje za dalšne informacije wó formatěrowanju w LibreOffice Math.
Wužytne informacije wó indeksach a eksponentach a skalěrowanju wam pomagaju, waš dokument na nejzlěpšy nałog organizěrowaś.