Atributy
Móžośo ze wšakich atributow za formule LibreOffice Math wubraś. Někotare atributy se w dolnem źělu wobceŕka Elementy pokazuju. Toś te atributy se teke w kontekstowem meniju wokna Pśikaze nalicyju. Wšykne atributy, kótarež we wobceŕku Elementy abo w kontekstowem meniju njejsu, muse se manuelnje do wokna Pśikaze zapódaś.
Slědujuca lisćina jo dopołna lisćina wšych atributow, kótarež su w LibreOffice Math k dispoziciji. Symbol pódla atributa pódawa, až maśo k njomu pśistup pśez wobceŕk Elementy (wubjeŕśo Naglěd – Elementy) abo pśez kontekstowy meni wokna Pśikaze.
We wopisanju slědujucych atributowych funkcijow se pismik „a“ na zastupujucy symbol póśěgujo, kótaryž cośo wótpowědnemu atributoju pśipokazaś. Móžośo toś to znamuško z někakim drugim znamuškom pó swójej wólbje wuměniś.
Atributowe funkcije
Akut (akcent)
Zasajźujo zastupujucy symbol z akutom (akcent). Móžośo teke acute <?> do wokna Pśikaze zapódaś.
Gravis (akcent)
Zasajźujo zastupujucy symbol z gravisom (akcent). Móžośo teke grave <?> do wokna Pśikaze zapódaś.
Nawopacny cirkumfleks
Zasajźujo zastupujucy symbol z nawopacnym cirkumfleksom („hóčka“) nad nim. Móžośo teke check <?> do wokna Pśikaze zapódaś.
Brevis
Zasajźujo zastupujucy symbol z brevisom (akcent). Móžośo teke breve <?> do wokna Pśikaze zapódaś.
Krejz
Zasajźujo zastupujucy symbol z krejzom nad nim. Móžośo teke circle <?> do wokna Pśikaze zapódaś.
Wektorowa šypka
Zasajźujo zastupujucy symbol z wektoroweju šypku. Móžośo teke vec <?> do wokna Pśikaze zapódaś.
Harpunowa šypka
Zasajźćo zastupujucy symbol z harpunoweju šypku. Móžośo teke harpoon <?> do wokna Pśikaze zapódaś.
Cirkumfleks
Zasajźujo zastupujucy symbol z cirkumfleksom („stśěška“). Móžośo teke hat <?> direktnje do wokna Pśikaze zapódaś.
Nadsmužka
Zasajźujo zastupujucy symbol z nadsmužku („makron“) . Móžośo teke bar <?> do wokna Pśikaze zapódaś.
Šyroka wektorowa šypka
Zasajźujo šyroku wektorowu šypku ze zastupujucym symbolom. Móžośo teke widevec do wokna Pśikaze zapódaś.
Šyroka harpunowa šypka
Zasajźujo šyroku harpunowu šypku ze zastupujucym symbolom. Móžośo teke wideharpoon do wokna Pśikaze zapódaś.
Šyroka tilda
Zasajźujo šyroku tildu ze zastupujucym symbolom. Móžośo teke widetilde direktnje do wokna Pśikaze zapódaś.
Šyroki cirkumfleks
Zasajźujo šyroki cirkumfleks („stśěška“) ze zastupujucym symbolom. Móžośo teke widehat do wokna Pśikaze zapódaś.
Dwójny dypk
Zasajźujo zastupujucy symbol z dwěma dypkoma nad nim. Móžośo teke ddot <?> direktnje do wokna Pśikaze zapódaś.
Nadšmarnjenje
Zasajźujo zastupujucy symbol z nadšmarnjenim. Móžośo teke overline <?> do wokna Pśikaze zapódaś. Linija se na korektnu dłujkosć pśiměrjujo.
Pódšmarnjenje
Zasajźujo zastupujucy symbol z pódšmarnjenim. Móžośo teke underline <?> do wokna Pśikaze zapódaś.
Pśešmarnjenje
Zasajźujo zastupujucy symbol z pśešmarnjenim. Móžośo teke overstrike <?> do wokna Pśikaze zapódaś.
Trójny dypk
Zasajźujo zastupujucy symbol z trójnym naddypkom. Móžośo teke dddot <?> do wokna Pśikaze zapódaś.
Transparentny
Zasajźujo zastupujucy symbol za transparentne znamuško. Znamuško zabjerjo rum pismika „a“, ale njepokazujo jo. Móžośo teke phantom <?> do wokna Pśikaze zapódaś.
Tucne pismo
Zasajźujo zastupujucy symbol z tucnym formatěrowanim. Móžośo teke bold <?> do wokna Pśikaze zapódaś.
Kursiwne pismo
Zasajźujo zastupujucy symbol z kursiwnym formatěrowanim. Móžośo teke ital <?> abo italic <?> do wokna Pśikaze zapódaś.
Pismowa wjelikosć
Zasajźujo pśikaz za změnjanje pismoweje wjelikosći z dwěma zastupujucyma symboloma. Prědny zastupujucy symbol se na pismowu wjelikosć (na pśikład 12) póśěgujo a drugi tekst wopśimujo. Aby pórědnu strukturu dostał, zasajźćo prozne znamje mjazy gódnotoma. Móžośo teke size <?> <?> direktnje do wokna Pśikaze zapódaś.
Pismo změniś
Zasajźujo pśikaz za změnjanje pismoweje družyny z dwěma zastupujucyma symboloma. Wuměńśo prědny zastupujucy symbol z mjenim jadnogo ze swójskich pismow, Serif, Sans abo Fixed. Wuměńśo drugi zastupujucy symbol z tekstom. Móžośo teke font <?> <?> direktnje do wokna Pśikaze zapódaś.
Wužywajśo pśikaz color, aby barwu swójeje formule změnił. Zapódajśo color a pón mě barwy (k dispoziciji stojece barwy su běły, carny, cyan, magenta, cerwjeny, módry, zeleny a žołty), pón formulu, znamuško abo znamuškowy slěd. Gaž color green 20 azapódawaśo, dostanjośo zeleny pismik „a“ z pismoweju wjelikosću 20.
Pśikaza nbold a nitalic tucne abo kursiwne standardne pisma formulowych komponentow wótwónoźujetej. Zapódajśo nitalic pśed x ako w 5 nitalic x + 3 = 28, aby kursiwne formatěrowanje pismika x w formuli 5 x + 3 = 28 wótwónoźił.
Atributy "acute", "bar", "breve", "check", "circle", "dot", "ddot", "dddot", "grave", "hat", "tilde" a "vec" kšute wjelikosći maju. Jich šyrokosć abo dłujkosć njedajo se pśiměriś, gaž su nad dłujkim symbolom.
Za změny wjelikosći móžośo size n, +n, -n, *n a /n wužywaś, źož n jo zastupujucy symbol. Toś ta metoda jo wužytna, gaž zakładna wjelikosć formule změnam pódlažy. Pśikaza size +n a size -n wjelikosć w dypkach (měrjeńska jadnotka points (pt)) změnjatej a size *n a size /n wjelikosć procentualnje změnjatej. Pśikaz size *1.17 na pśikład pówětšujo wjelikosć znamuška wó eksaktnje 17 %.
Źiwajśo na to, až se někotare zapiski prozne znamjenja za korektnu strukturu pominuju. To pśedewšym płaśi, gaž atributy z njepśeměnjatymi gódnotami město zastupujucych symbolow pódawaśo.
Za dalšne informacije wó formatěrowanju w LibreOffice Math glejśo Spinki a zrědowanje.
Informacije wó atributach, indeksach a eksponentach a skalěrowanju mógu wam pomagaś, waše dokumenty eficientnjej strukturěrowaś.