Spinki
Móžośo mjazy wšakimi spinkowymi typami wubraś, aby swóju formulu LibreOffice Math strukturěrował. Spinkowe typy se w dolnem źělu wobceŕka Elementy pokazuju. Toś te spinki su teke w kontekstowem meniju wokna Pśikaze k dispoziciji. Wšykne spinki, kótarež we wobceŕku Elementy abo w kontekstowem meniju njejsu, daju se manuelnje do wokna Pśikaze zapódaś.
Slědujuca lisćina jo dopołna lisćina k dispoziciji stojecych spinkowych typow. Symbol pódla spinkowego typa pódawa, aby pśistup k njomu pśez wobceŕk Elementy (wubjeŕśo Naglěd – Elementy abo pśez kontekstowy meni wokna Pśikaze měł.
Spinkowe typy
Kulowate spinki
Zasajźujo zastupujucy symbol w normalnych kulowatych spinkach. Móžośo teke (<?>) do wokna Pśikaze zapódaś.
Rožkate spinki
Zasajźujo zastupujucy symbol w rožkatych spinkach. Móžośo teke [<?>] do wokna Pśikaze zapódaś.
Dwójne rožkate spinki
Zasajźujo zastupujucy symbol w dwójnych rožkatych spinkach. Móžośo teke ldbracket <?> rdbracket do wokna Pśikaze zapódaś.
Wuzgibnjone spinki
Zasajźujo zastupujucy symbol we wuzgibnjonych spinkach. Móžośo teke lbrace <?> rdbracket do wokna Pśikaze zapódaś.
Jadnore padorowne linije
Zasajźujo zastupujucy symbol w padorownych linijach. Móžośo teke lline <?> rline direktnje do wokna Pśikaze zapódaś.
Dwójne padorowne linije
Zasajźujo zastupujucy symbol w dwójnych padorownych linijach. Móžośo teke lline <?> rdline direktnje do wokna Pśikaze zapódaś.
Špicne spinki
Zasajźujo zastupujucy symbol w špicnych spinkach. Móžośo teke langle <?> rangle do wokna Pśikaze zapódaś.
Operatorowe spinki
Zasajźujo dwa zastupujucej symbola w operatorowych spinkach. Móžośo teke langle <?> mline <?> rangle do wokna Pśikaze zapódaś.
Kulowate spinki (skalěrujobne)
Zasajźujo skalěrujobne kulowate spinkiz jadnym zastupujucym symbolom. Móžośo teke left(<?> right) do wokna Pśikaze zapódaś.
Rožkate spinki (skalěrujobne)
Zasajźujo skalěrujobne rožkate spinki ze zastupujucymi symbolami. Móžośo teke left[<?> right] do wokna Pśikaze zapódaś. Wjelikosć spinkow se awtomatiski pśiměrjujo.
Dwójne rožkate spinki (skalěrujobne)
Zasajźujo skalěrujobne dwójne rožkate spinki ze zastupujucymi symbolami. Móžośo teke left ldbracket <?> right rdbracket direktnje do wokna Pśikaze zapódaś. Wjelikosć spinkow se awtomatiski pśiměrjujo.
Wuzgibnjone spinki (skalěrujobne)
Zasajźujo skalěrujobne wuzgibnjone spinki z jadnym zastupujucym symbolom. Móžośo teke left lbrace <?> right rbrace do wokna Pśikaze zapódaś. Wjelikosć wuzgibnjonych spinkow se awtomatiski pśiměrjujo.
Jadnore padorowne linije (skalěrujobne)
Zasajźujo skalěrujobne padorowne linije ze zastupujucym symbolom. Móžośo teke left lline <?> right rline do wokna Pśikaze zapódaś. Wjelikosć spinkow se awtomatiski pśiměrjujo.
Dwójne padorowne linije (skalěrujobne)
Zasajźujo skalěrujobne dwójne padorowne linije ze zastupujucym symbolom. Móžośo teke left ldline <?> right rdline do wokna Pśikaze zapódaś. Wjelikosć spinkow se awtomatiski pśiměrjujo.
Špicne spinki (skalěrujobne)
Zasajźujo skalěrujobne špicne spinki ze zastupujucym symbolom. Móžośo teke left langle <?> right rangle do wokna Pśikaze zapódaś. Wjelikosć spinkow se awtomatiski pśiměrjujo.
Operatorowe spinki (skalěrujobne)
Zasajźujo skalěrujobne operatorowe spinki ze zastupujucymi symbolami. Móžośo teke left langle <?> mline <?> right rangle do wokna Pśikaze zapódaś. Wjelikosć spinkow se awtomatiski pśiměrjujo.
Wuzgibnjona spinka górjejce (skalěrujobna)
Zasajźujo skalěrujobnu wódorownu wuzgibnjonu spinku górjejce ze zastupujucymi symbolami. Móžośo teke <?> overbrace <?> direktnje do wokna Pśikaze zapódaś. Wjelikosć spinki se awtomatiski pśiměrjujo.
Wuzgibnjona spinka dołojce (skalěrujobna)
Zasajźujo skalěrujobnu wódorownu wuzgibnjonu spinku dołojce ze zastupujucymi symbolami. Móžośo teke <?> underbrace <?> direktnje do wokna Pśikaze zapódaś. Wjelikosć spinki se awtomatiski pśiměrjujo.
Aby spinki wótrownańskeje funkcije zasajźił, zapódajśo lfloor<?>rfloor direktnje do wokna Pśikaze.
Aby spinki narownańskeje funkcije zasajźił, zapódajśo lceil<?>rceil direktnje do wokna Pśikaze.
Aby skalěrujobne spinki wótrownańskeje funkcije zasajźił, zapódajśo left lfloor<?>right rfloor direktnje do wokna Pśikaze.
Aby skalěrujobne spinki narownańskeje funkcije zasajźił, zapódajśo left lceil<?>right rceil direktnje do wokna Pśikaze.
Wjelikosć spinkow se awtomatiski pśiměrjujo, gaž left a right pśed spinkowym pśikazom zapódawaśo, na pśikład left(a over b right). Móžośo teke Format – Wótkłon – Kategorija – Spinki wubraś a póžedane procentowe sajźby nastajiś, aby wjelikosć a wótkłon spinkow nastajił. Markěrujśo kontrolny kašćik Wšykne spinki skalěrowaś, aby změny na wšykne spinki w formuli nałožył.
Móžośo teke jadnotliwe spinki wužywaś. Aby to cynił, stajśo slědksmužku \ pśed pśikaz. Gaž na pśikład \[ zapódawaśo, se lěwa rožkata spinka bźez jeje pšawego pendanta zjawijo. To jo wužytne, aby wy nawopacne spinki napórał abo interwale natwarił. Ale jano njeskalěrujobne spinki daju se jadnotliwje wužywaś. Aby wjelikosć změnił, wužywajśo pśikaz size.
Pśikłady jadnotliwych spinkow
Za njeskalěrowane spinki:
a = \{ \( \[ b newline
{} + c \] \) \ }
Za skalěrowane spinki wužywaśo none ako spinkowe mě
a = left ( a over b right none newline
left none phantom {a over b} + c right )
Pśikaz phantom> zawěsćujo, až slědna spinka korektnu wjelikosć ma.
Źiwajśo na to, až prozne znamjenja mjazy elementy stajaśo, gaž je direktnje do wokna Pśikaze zapódawaśo. To zawěsćujo, až se korektna struktura spóznawa.
Wužytne informacije wó indeksach a eksponentach ako teke skalěrowanju wam pomaga, formule efektiwnje strukturěrował. Za dalšne informacije wó spinkach glejśo Spinki a zrědowanje.