Folija
Toś ten meni pśikaze za zastojanje a nawigaciju folijow bitujo.
Foliju wulašowaś
Lašujo wubrane folije.
Slězynowy wobraz składowaś
Jolic folija ma slězynowy wobraz, toś to nastajenje wužywarjeju zmóžnja, wótpowědnu dataju slězynowego wobraza składowaś.
Slězynowy wobraz nastajiś
Wócynja dialog Datajowy wuběrk, aby wobrazowu dataju wubrał, kótaraž se ma ako slězyna aktualneje folije wužywaś.
Nowa pśedłoga
Napórajo nowy folijowu pśedłogu. Toś ta funkcija jo jano w naglěźe Folijowa pśedłoga k dispoziciji.
Aby se k folijowej pśedłoze dostał, wubjeŕśo Naglěd – Folijowa pśedłoga. Aby folijowu pśedłogu spušćił, wubjeŕśo Naglěd – Normalny.
Pśedłogu wulašowaś
Lašujo tuchylu wubranu folijowu pśedłogu. Toś ta funkcija jo jano w naglěźe Folijowa pśedłoga k dispoziciji.
Slězyna pśedłogi
Toś to nastajenje wam zmóžnja, slězynowy wobraz, kótaryž jo definěrował w folijowej pśedłoze, pokazaś abo schowaś.
Objekty pśedłogi
Toś to nastajenje wam zmóžnja, objekty pokazaś abo schowaś, kótarež su w folijowej pśedłoze definěrowane.
Elementy pśedłogi
Pokazujo dialogowe pólo, źož slědujuce elementy z folijoweje pśedłogi daju se zmóžniś abo znjemóžniś:
-
Głowowa smužka
-
Datum/Cas
-
Nogowa smužka
-
Folijowy numer
Foliju pokazaś
Jolic folija jo schowana, toś ta funkcija ju zasej pokazujo.
Foliju schowaś
Jolic folija jo widobna, toś ta funkcija ju chowa.
Foliju pśemjeniś
Wócynja dialogowe pólo, źož se dajo mě za aktualnu foliju póstajiś.
K slědnej wobźěłanej foliji pśejś
Nawigěrujo k slědnej wobźěłanej foliji w dokumenśe.
Pśesunuś
Pokazujo lisćinu pśikazow za pśesuwanje aktualneje folije:
-
Folija do zachopjeńka: Pśesuwa aktualnu foliju do prědneje pozicije.
-
Folija górjej: Pśesuwa aktualnu foliju wó jadnu poziciju górjej w prezentaciji.
-
Folija dołoj: Pśesuwa aktualnu foliju wó jadnu poziciju dołoj w prezentaciji.
-
Folija do kóńca: Pśesuwa aktualnu foliju do slědneje pozicije.
Nawigěrowaś
Pokazujo lisćinu funkcijow, kótarež daju se za nawigaciju pó folijach wužywaś:
-
Do prědneje folije: Wuběra prědnu foliju w prezentaciji.
-
Do pjerjwejšneje folije: Nawigěrujo k pjerwjejšnej foliji nastupajucy tuchylu wubranu foliju.
-
Do pśiduceje folije: Nawigěrujo k pśiducej foliji nastupajucy tuchylu wubranu foliju.
-
Do slědneje folije: Wuběra slědnu foliju w prezentaciji.