Prezentaciju pokazaś
Su rozdźělne móžnosći, z kótarymiž móžośo prezentaciju startowaś. Gaž prezentacija běžy, móžośo ju z pomocu tastatury abo tastow myški wóźiś.
Pó standarźe se prezentacija pśecej z prědneju foliju startujo. Pśejźośo pón manuelnje pśez folije až do slědneje folije. Móžośo toś te nastajenja změniś.
Prezentaciju wuwjasć
-
Wubjeŕśo Prezentacija – Prezentacija, aby prezentaciju wuwjadł.
-
Klikniśo, aby k pśiducemu efektoju abo pśiducej foliji pśejšeł.
Tłocćo tastu Esc, aby prezentaciju do jeje kóńca pśetergnuł.
Jo wjele dalšnych tastow za wóźenje prezentacije k dispoziciji. Móžośo teke z pšaweju tastu kliknuś, aby kontekstowy meni z wužytnymi pśikazami wócynił.
Awtomatisku prezentaciju pokazaś (kioskowy modus)
Za awtomatisku změnu k pśiducej foliji, musyśo kuždej foliji folijowy pśechad pśipokazaś.
-
Wócyńśo rejtarik Folijowy pśechad w bocnicy.
-
Klikniśo we wobceŕku K pśiducej foliji pśejś na Pó a zapódajśo cas.
-
Klikniśo na Pśechad na wšykne folije nałožyś.
Móžośo drugi cas za kuždu foliju za pśechad k pśiducej foliji nastajiś. Funkcija Casowy wótběg wopytaś móžo wam pomagaś, pšawy casowy wótběg namakaś.
Aby se k prědnej foliji wrośił, za tym až su se wšykn folije pokazali, musyśo prezentaciju na awtomatiske wóspjetowanje nastajiś.
-
Wubjeŕśo Prezentacija – Nastajenja prezentacije….
-
Wubjeŕśo we wobceŕku Prezentaciski modus Šlejfa a wóspjetowaś pó: a nastajśo cas pśestanka mjazy wóspjetowanjami.
Prezentaciju z dataje wuwjasć
Móžośo LibreOffice z parametrom -show a datajowym mjenim Impress z pśikazowego napominanja startowaś. Startujśo na pśikład dataju datajowe_mě.odp z pśikazowego napominanja a zapódajśo slědujucy pśikaz:
soffice -show filename.odp
Wuchada se z togo, až soffice jo w programowej sćažce wašogo systema a až datajowe_mě.odp jo w aktualnem zapisu.