Konsolu Presenter wužywaś

Konsola Presenter prezentaciju na eksternej wobrazowce (projektora abo telewizora) pokazujo, mjaztym až se wóźeńske elementy prezentacije na wobrazowce licadła pokazuju.

Konsola Presenter rozdźělne naglědy na wobrazowce wašogo licadła a na wobrazowce, kótaruž publikum wiźi, wužywa, aby wam wósebnu kontrolu nad prezentacijami bitowała. Nagěd, kótaryž na wobrazowce swójogo licadła wiźiśo, aktualnu foliju, pśiducu foliju, na pśecej folijowe notice a stopawku wopśimujo.

Konsola Presenter jano ze źěłowym systemom funkcioněrujo, kótaryž někotare wobrazowki pódpěraju a jano, gaž stej dwě wobrazowce zwězanej (jadna z njeju móžo integrěrowana laptopowa wobrazowka byś).

Konsolu Presenter aktiwěrowaś

Aby konsolu Presenter zmóžnił:

Wubjeŕśo Prezentacija – Nastajenja prezentacije.
Wubjeŕśo we wuběrańskem pólu Zwobraznjenje – Konsola Presenter pak Połna wobrazowka pak We woknje.

Wobraz dialoga nastajenjow – Impress – Powšykne

Aby konsolu Presenter aktiwěrował:

Zwěžćo drugu wobrazowku ze swójim licadłom.
Startujśo prezentaciju. Tłocćo F5 abo Umsch+F5 abo wubjeŕśo Prezentacija – Z prědneju foliju zachopiś abo Z aktualneju foliju zachopiś.

Wóźeńske elementy konsole Presenter

Slědk: Wrośa se k pjerwjejšnej foliji.
Dalej: Pśejźo k pśiducej foliji.
Notice: Pokazujo modus noticow konsole Presenter.
Folija: Pokazujo modus folijowego sortěrowanja konsole Presenter.
Znowego startowaś: Startujo stopawku prezentacije znowego.
Wuměniś: Wuměnja naglědy mjazy wobrazowku licadła a wobrazowku prezentacije.
Zacyniś: Wrośa se w modusu noticow a modusu folijowego sortěrowanja do normalnego modusa.

Tastowe skrotconki konsole Presenter

Gaž prezentaciju z Presenter Console pokazujośo, móžośo slědujuce tasty wužywaś:

Akcija	Tasta abo tasty
Pśiduca folija abo pśiducy efekt	Lěwe kliknjenje, →, ↓, prozna tasta, Bild ↓, Enter, Return
Pjerwjejšna folija abo pjerwjejšny efekt	Pšawe kliknjenje, ←, ↑, Bild ↑, slědktasta
Špěrku myški ako pisak wužywaś	'P'
Wšu barwu z folije wulašowaś	'E'
Prědna folija	Pos1
Slědna folija	Ende
Pjerwjejšna folija bźez efektow	Alt+Bild ↑
Pśiduca folija bźez efektow	Alt+Bild ↓
Wobrazowku carniś/wěcej njecarniś	'B', '.'
Wobrazowku běliś/wěcej njeběliś	'W', ','
Prezentaciju skóńcyś	Esc, '-'
K folijowemu numeroju pśejś	Licba, pón enter
Pismowu wjelikosć noticow pówětšyś/pómjeńšyś	'G', 'S'
Notice górjej/dołoj kulnuś	'A', 'Z'
Fokus w noticowem naglěźe slědk/doprědka gibnuś	'H', 'L'
Presenter Console pokazaś	Strg+'1'
Prezentaciske notice pokazaś	Strg+'2'
Folijowy pśeglěd pokazaś	Strg+'3'
Monitory pśešaltowaś	+'4'
Pokazowak ako pisakowy modus znjemóžniś	+'A'

Moduse konsole Presenter

Normalny modus

Normalny modus aktualnu foliju nalěwo a pśiducu foliju napšawo na wobrazowce licadła pokazujo.

Normalny modus konsole Presenter

Modus noticow

Modus noticow aktualnu foliju nalěwo, folijowe notice napšawo a pśiducu foliju pód aktualneju foliju pokazujo.

Modus noticow

Modus folijowego sortěrowanja

Modus folijowego sortěrowanja wšykne folije na wobrazowce licadła pokazujo a zmóžnja, wubranu foliju zwenka prezentaciskego pórěda pokazaś.

Modus folijowego sortěrowanja

Pśirucka zdalokawóźenja Impress