Kśiwanki wobźěłaś
Kśiwankowy segment z dweju datoweju dypkowu (kóńcneju dypkowu) a dweju wóźeńskeju (pśimkowu) wobstoj. Wóźeńska linija wóźeński dypk z datowym dypkom zwězujo. Móžośo formu kśiwanki změniś, gaž datowy dypk do hynakšego typa pśetwórjujośo abo wóźeńske dypki do drugego městna śěgaśo.
Móžośo teke kakosći linije změniś, gaž liniju a pón Format – Tekstowe pólo a forma – Linija… wuběraśo.
Aby datowe dypki a wóźeńske dypki kśiwanki pokazał, wubjeŕśo liniju a klikniśo pón na symbol Dypki na symbolowej rědce Kreslanka. Datowe dypki se pśez kwadraty reprezentěruju a wóźeńske dypki pśez krejze. Wóźeński dypk mógał se na datowy dypk pśewarstowaś.
Aby segment kśiwanki pśiměrił:
-
Wubjeŕśo kśiwanku a klikniśo pón na symbol Dypki na symbolowej rědce Kreslanka.
-
Pśewjeźćo jaden ze slědujucych kšacow:
-
Śěgniśo datowy dypk, aby wjelikosć linije změnił. Jolic wóźeński dypk datowy dypk pókšywa, śěgniśo wóźeński dypk, daniž njamóžośo datowy dypk wiźeś a śěgniśo pón datowy dypk.
-
Śěgniśo wóźeński dypk. Kśiwanka se k směroju śěga, ku kótaremuž wóźeński dypk śěgaśo.
Aby kśiwanku źělił:
Móžośo kśiwanku jano źěliś, gaž ma tśi datowe dypki abo wěcej.
-
Wubjeŕśo kśiwanku a klikniśo pón na symbol Dypki na symbolowej rědce Kreslanka.
-
Wubjeŕśo datowy dypk a klikniśo pón na symbol Kśiwanku źěliś w symbolowej rědce Dypki wobźěłaś.
Aby zacynjonu formu napórał:
-
Wubjeŕśo kśiwanku a klikniśo pón na symbol Dypki na symbolowej rědce Kreslanka.
-
Klikniśo na symbolowu rědku Dypki wobźěłaś na symbol Bézierowu kśiwanku zacyniś.
Aby datowy dypk na kśiwance pśetwórił:
-
Wubjeŕśo kśiwanku a klikniśo pón na symbol Dypki na symbolowej rědce Kreslanka.
-
Klikniśo na datowy dypk, kótaryž cośo pśetwóriś a pśewjeźćo jaden ze slědujucych kšacow:
-
Aby datowy dypk do pólažkego dypka pśetwórił, klikniśo na symbol Gładki pśechad na symbolowej rědce Dypki wobźěłaś.
-
Aby datowy dypk do symetriskego dypka pśetwórił, klikniśo na symbol Symetriski pśechad w symbolowej rědce Dypki wobźěłaś.
-
Aby datowy dypk do rožkowego dypka pśetwórił, klikniśo na symbol Rožkowy pśechad na symbolowej rědce Dypki wobźěłaś.
Aby datowy dypk pśidał:
-
Wubjeŕśo kśiwanku a klikniśo pón na symbol Dypki na symbolowej rědce Kreslanka.
-
Klikniśo na symbolowu rědku Dypki wobźěłaś na symbol Dypki zasajźiś.
-
Klikniśo na liniji, źož cośo dypk pśidaś a śěgniśo kusk.
Jolic datowy dypk njama wóźeńskego dypka, wubjeŕśo datowy dypk a klikniśo pón na symbol Do kśiwanki pśetwóriś w symbolowej rědce Dypki wobźěłaś.
Aby datowy dypk wulašował:
-
Wubjeŕśo kśiwanku a klikniśo pón na symbol Dypki na symbolowej rědce Kreslanka.
-
Klikniśo na dypk, kótaryž cośo wulašowaś.
-
Klikniśo na symbolowu rědku Dypki wobźěłaś na symbol Dypki wulašowaś.
