Kśiwanki kresliś
Symbol Kśiwanka 
w symbolowej rědce Kreslanka symbolowu rědku za kreslenje Bézierowych kśiwankow. Bézierowe kśiwanki se pśez startowy dypk a kóńcny dypk definěruju, kótarež se „kokulki“ gronje. Wokłon Bézieroweje kśiwanki se pśez wóźeńske dypki („pśimki“) definěrujo. Gaž wóźeński dypk pśesuwaśo, se forma Bézieroweje kśiwanki změnijo.
Wóźeńske dypki su jano w modusu „Dypki wobźěłaś“ widobne. Wóźeńske dypki se pśez krejze reprezentěruju, kokulowe dypki pśez kwadraty. Startowy dypk jo pitśku wětša ako druge kokulowe dypki.
Segmenty Bézierowych kśiwankow a segmenty rownych linijow daju se jadyn z drugim zwězaś, aby kompleksnjejše Bézierowe kśiwanki twórili. Tśi rozdźělne pśechady daju se wužywaś, aby susedne segmenty zwězali:
-
Symetriski kokulowy dypk ma samsku linijowy wokłon na kuždem boku a dwě wóźeńskej liniji, kótarejž se zgromadnje ako rowna linija gibjotej.
-
Pózlažki kokulowy dypk móžo rozdźělne linijowe wokłony na kuždem boku měś.
-
Rožkowy kokulowy dypk ma jadnu njewótwisnu wóźeńsku liniju abo dwě njewótwisnej wóźeńskej liniji. Gaž jadyn bok změnjaśo, se to na drugi bok njewustatkujo.
Rěd kśiwankow wužywaś
-
Wócyńśo w symbolowej rědce Kreslanka symbolowu rědku Kśiwanki
a wubjeŕśo rěd Kśiwanka
. -
Klikniśo, źož se ma kśiwanka zachopiś a śěgniśo k póžedanemu směroju kśiwanki. Wóźeńska linija směr pokazujo.
Źaržćo tastu Umsch (⇧), mjaztym až śěgaśo, aby směr na 45 stopnjow wobgranicował.
-
Pušććo tastu myški, źož ma prědny wóźeński dypk byś.
-
Gibniśo pokazowak tam, źož se ma kśiwankowy segment kóńcyś. Kśiwanka pokazowakoju slědujo.
-
Pśewjeźćo jaden ze slědujucych kšacow:
-
Klikniśo dwójcy na poziciju kóńcnego dypka, aby liniju dokreslił.
Aby zacynjonu formu napórał, klikniśo dwójcy na startowy dypk linije.
-
Klikniśo a pušććo tastu myški, aby kokulowy dypk pśidał. Gibniśo myšku, aby pśiducy segment kreslił.
-
Klikniśo a śěgniśo k někakemu směroju, aby pólažki kokulowy dypk pśidał.
Rěd wólnorucneje linije wužywaś
-
Wócyńśo w symbolowej rědce symbolowu rědku Křiwki
a wubjeŕśo rěd wólnorucneje linije. -
Klikniśo tam, źož se ma kśiwanka zachopiś a źaržće tastu myški tłoconu.
-
Śěgniśo wólnorucnu liniju, ako by wy smužku z pisakom śěgnuł.
-
Pušććo tastu myški, aby liniju skóńcył.