Wšym folijam głowowu abo nogowu smužku pśidaś

Kužda folija na folijowej pśedłoze bazěrujo. Tekst, wobraze, tabele abo druge objekty, kótarež na folijowej pśedłoze placěrujośo, su ako slězyna na wšych folijach widobne, kótarež na toś tej folijowej pśedłoze bazěruju.

Pśedłogi za folije, notice a cedliki do ruki eksistěruju.

• Aby folijowu pśedłogu wobźěłał, wubjeŕśo Naglěd – Folijowa pśedłoga. Klikniśo na symbol Naglěd pśedłogi zacyniś na symbolowej rědce Naglěd pśedłogi abo wubjeŕśo Naglěd – Normalny, aby folijowu pśedłogu spušćił.

• Aby noticnu pśedłogu wobźěłał, wubjeŕśo Naglěd – Noticna pśedłoga. Klikniśo na symbol Naglěd pśedłogi zacyniś na symbolowej rědce Naglěd pśedłogi abo wubjeŕśo Naglěd – Normalny, aby noticnu pśedłogu spušćił.

• Aby pśedłogu cedlikow do ruki wobźěłał, klikniśo na rejtarik nad foliju. Klikniśo na rejtarik Normalny, aby pśedłogu cedlikow do ruki spušćił.

Pśeddefiněrowane objekty głowoweje abo nogoweje smužki pśidaś

Kuždy typ pśedłogi ma pśeddefiněrowane wobceŕki, aby datum, nogowu smužku a folijowe numery pśiwzeli.

Gaž k naglědoju pśedłogi pśechadaśo, móžośo toś te wobceŕki do někakeje pozicije na pśedłoze pśesunuś. Móžośo teke pśidatny tekst do nich zapódaś, jich wjelikosć změniś a jich wopśimjeśe wubraś, aby tekstowe formatěrowanje nałožył. Móžośo na pśikład wjelikosć abo barwu pisma změniś.

Objekty, kótarež na folijowej pśedłoze zasajźujośo, su na wšych folijach widobne, kótarež na folijowej pśedłoze bazěruju.

1. Wubjeŕśo Zasajźiś – Głowowa a nogowa smužka….

   Wiźiśo dialog z dwěma rejtarikoma: Folije a Notice a cedliki do ruki, źož móžośo wopśimjeśe do pśeddefiněrowanych wobceŕkow zapódaś.

   

   Pó standarźe jo kontrolny kašćik Datum a cas zmóžnjony, ale format jo na Njepśměnjaty stajony a tekstowe zapódawańske pólo jo prozne, togodla datum a cas njejstej widobnej na folijach.

   Pó standarźe jo kontrolny kašćik Nogowa smužk zmóžnjony, ale tekstowe zapódawańske pólo jo prozne, nogowe smužki njejsu widobne na folijach.

   Pó standarźe se kontrolny kašćik Folijowy numer prozni, togodla folijowe numery njejsu widobne.

2. Zapódajśo abo wubjeŕśo wopśimjeśe, kótarež ma na wšych folijach widobny byś.

3. Jolic cośo poziciju a formatěrowanje objekty folijoweje pśedłogi změniś, wubjeŕśo Naglěd – Folijowa pśedłoga.

   Wiźiśo folijowu pśedłogu z wobceŕkami blisko dolneje kšomy. Móžośo wobceŕki pśesunuś, a móžośo póla wubraś a formatěrowanja nałožyś. Móžośo how teke tekst zapódaś, kótaryž se pódla pólow pokazujo.

4. Klikniśo na datumowy wobceŕk a pśesuńśo casowe a datumowe pólo. Wubjeŕśo pólo <datum/cas> a nałožćo formatěrowanja, aby format za datum a cas na wšych folijach změnił. To samske za wobceŕk nogoweje smužki a folijowego numera płaśi.

5. W normalnem paźe pśeddefiněrowane elementy folijoweje pśedłogi su tak nastajone, až su w prezentaciji widobne. Móžośo widobnosć pśeddefiněrowanych elementow wóźiś, gaž Folija – Elementy pśedłogi… wuběraśo.

   

Tekstowe objekty ako objekty głowoweje abo nogoweje smužki pśidaś

Móžośo tekstowy objekt něźi na folijowej pśedłoze pśidaś.

1. Wubjeŕśo Naglěd – Folijowa pśedłoga.

2. Wubjeŕśo na symbolowej rědce Kreslanka na symbol Tekst .

3. Śěgniśo folijowu pśedłogu, aby tekstowy objekt kreslisł a zapódajśo abo zasajźćo pón swój tekst.

4. Wubjeŕśo Naglěd – Normalny, gaž sćo gótowy.