2D-objekty do kśiwankow, polygonow a 3D-objektow pśetwóriś

Móžośo dwójodimensionalne objekty (2D) pśetwóriś, aby rozdźělne formy napórał. LibreOffice móžo 2D-objekty do slědujucych objektowych typow pśetwóriś:

• Wokłonjeny objekt na bazy Bézierowych kśiwankow

• Polygonowy objekt, kótaryž se z rownych linijowych segmentow zestaja

• 3D-objekt z barwoweju nuansu a swěśadłom

• Rotaciski objekt 3D z barwoweju nuansu a swěśadłom

Dwa typa 3D-objektow

• Statusowa rědka „3D-scena wubrana“ pokazujo. 3D-sceny se z objektow twórje, kótarež wótměry w koordinatach x, y a z maju. Pśikłady su objekty, kótarež su pśez symbolowu rědku „3D-objekty“ zasajźone, a pšawokuty, elipse abo tekst, kótarež su se napórali pśez symbole Pšawokut, Elipsa abo Tekst nalěwo w symbolowej rědce Kreslanka, abo swójske formy, kótarež se z pomocu kontekstowego menija „Pśetwóriś – Do 3D“ do 3D pśetwórjuju. Toś te 3D-sceny daju se zapódaś (na pśikład gaž F3 tłocyśo) a objekty daju se w 3D wjerśeś. Microsoft Office toś te napšawdne 3D-objekty njeznajo. Gaž se toś te 3D-sceny do formatow Microsoft Office eksportěruju, se foto wobrazowki aktualnego naglěda ako bitmap eksportěrujo. 3D-grědy w diagramach teke toś ten typ maju.

• Statusowa rědka „Forma wubrana“ pokazujo. Swójske formy daju se w 2D-modusu abo 3D-modusu woglědaś. Móžośo kuždy cas mjazy dwěma modusoma pśešaltowaś. Móžośo zakładne formy, symbolowe formy a slědujuce symbole na symbolowej rědce Kreslanka wužywaś, aby swójske formy napórał. Swójske formy daju se z pomocu symboloweje rědki 3D-nastajenja změniś. 3D-scenu njetwórje, njedaju se pśez někotare swěśadła wobswětliś, njepokazuju refleksije a su někotare dalšne wobgranicowanja. Móžośo je do 3D-scenu pśetwóriś, ale pón wěcej njebudu swójske formy. Swójske formy w 2D- abo 3D-modusu daju se do formatow Microsoft Office eksportěrowaś a z njogo importěrowaś.

Aby objekt do kśiwanki pśetwórił:

1. Wubjeŕśo 2D-objekt na foliji abo boku.

2. Klikniśo z pšaweju tastu na objekt a wubjeŕśo Pśetwóriś – Do kśiwanki.

Aby formu objekta změnił, klikniśo na symbol Dypki na symbolowej rědce Kreslanka a śěgniśo pśimki objekta. Móžośo teke wóźeńske dypki pśimka śěgnuś, aby formu kśiwanki změnił.

Aby 2D-objekt do polygona pśetwórił:

1. Wubjeŕśo 2D-objekt na foliji abo boku.

2. Klikniśo z pšaweju tastu na objekt a wubjeŕśo Pśetwóriś – Do polygona.

Aby formu objekta změnił, klikniśo na symbol Dypki na symbolowej rědce Kreslanka a śěgniśo pśimki objekta.

Aby 2D-objekt do 3D-objekta pśetwórił:

1. Wubjeŕśo 2D-objekt na foliji abo boku.

2. Klikniśo na symbol Ekstruziju pśešaltowaś na symbolowej rědce Kreslanka abo klikniśo z pšaweju tastu na objekta a wubjeŕśo Pśetwóriś – Do 3D.

Aby kakosći 3D-objekta wobźěłał, wužywajśo symbolowu rědku Linija a połnjenje a symbolowu rědku 3D-nastajenja.

Aby 2D-objekt do rotaciskego objekta 3D pśetwórił:

Rotaciski objekt 3D pśez wjerśenje wubranego objekta wokoło jogo wertikalneje wóski nastawa.

1. Wubjeŕśo 2D-objekt na foliji abo boku.

2. Klikniśo z pšaweju tastu na objekt a wubjeŕśo Pśetwóriś – Do rotaciskego objekta 3D

Aby kakosći 3D-objekta wobźěłał, wužywajśo symbolowu rědku Linija a połnjenje a symbolowu rědku 3D-nastajenja.