Pśetwórjenja

Změnja formu, wusměrjenje abo połnjenje wubranych objektow.

Wjerśeś

Wjerśi abo deforměrujo wubrane 2D-objekty wokoło wobwjertnego dypka. Śěgniśo rožkowy pśimk objekta k směroju, ku kótaremuž cośo jen wjerśeś. Aby objekt deforměrował, śěgniśo srjejźny pśimk k směroju, ku kótaremuž cośo jen deforměrowaś.

Kužda folija ma jano jaden wobwjertny dypk. Klikniśo dwójcy na objekt, aby wobwjertny dypk dosrjejź objekta pśesunuł. Móžośo teke wobwjertny dypk do nowego městna na wobrazowce śěgnuś a pón objekt wjerśeś.

Kipnuś

Kipa wubrane objekty wokoło pśekipneje linije, kótaruž móžośo na foliji pśesunuś. Śěgniśo pśimk objektow pśez pśekipnu liniju, aby objekty kipnuł. Aby wusměrjenje pśekipneje linije změnił, śěgniśo jaden z jeje kóńcnych dypkowu do nowego městna.

Do rotaciskego objekta 3D

Wjerśi objekty wokoło symetrijoweje wóski, aby wubrane 2D-objekty do 3D-objekta pśetwórił.

Śěgniśo symetrijowu wósku do nowego městna, aby formu pśetwórjonego objekta změnił. Aby wusměrjenje symetrijoweje linije změnił, śěgniśo jaden z jeje kóńcnych dypkow. Klikniśo na objekt, aby jen do 3D pśetwórił.

Na krejz stajiś (perspektiwiski)

Deforměrujo wubrany objekt, gaž se wokoło imaginarnych krejzow wijo a se pón perspektiwa pśidawa. Śěgniśo pśimk wubranego objekta, aby je deforměrował. Jolic wubrany objekt njejo polygon abo Bézierowa kśiwanka, was pšose, objekt do kśiwanki pśetwóriś, nježli až jen deforměrujośo.

Na krejz stajiś (nakósno stajiś)

Deforměrujo wubrany objekt, gaž se wokoło imaginarnych krejzow wijo. Śěgniśo pśimk wubranego objekta, aby je deforměrował. Jolic wubrany objekt njejo polygon abo Bézierowa kśiwanka, was pšose, objekt do kśiwanki pśetwóriś, nježli až jen deforměrujośo.

Deforměrowaś

Zmóžnja wam, pśimki wubranego objekta śěgnuś, aby jogo formu změnił. Jolic wubrany objekt njejo polygon abo Bézierowa kśiwanka, was pšose, objekt do kśiwanki pśetwóriś, nježli až móžośo jen deforměrowaś.

Transparenca

Nałožujo transparencny pśeběg wubranego objekta. Transparencna linija skali šerosćow wótpowědujo, pśi comž carny 0 % transparence a běły 100 % transparence wótpowědujo.

Śěgniśo běły pśimk, aby směr pśeběga transparence změnił. Śěgniśo carny pśimk, aby dłujkosć pśeběga změnił. Móžośo teke barwy do pśimkow ze symboloweje rědki Barwa śěgnuś, aby jich gódnoty šerosći změnił.

Barwowy pśeběg

Změnja barwowy pśeběg wubranego objekta. Toś ten pśikaz jo jano k dispoziciji, jolic sćo nałožył barwowy pśeběg na wubrany objekt w Format – Płonina…. Śěgniśo pśimki pśeběgoweje linije, aby směr abo dłujkosć pśeběga změnił. Móžośo teke barwy z barwoweje rědki do pśimkow śěgnuś, aby barwu kóńcnych dypkow pśeběga změnił.