Efekt

Pódawa nastajenja a pólěpšenja za aktualny efekt w dialogu Efektowe nastajenja.

Nastajenja

Za někotare efekty daju se nastajenja na rejtariku Efekt póstajiś.

Směr

Pódawa směr za efekt.

Póspěšony start

Zmóžniśo toś to nastajenje, aby zachojeńkoju efekta póněcom pśiběrajucu malsnosć pśipokazał.

Spomałšony kóńc

Zmóžniśo toś to nastajenje, aby kóńcoju efekta póněcom pśiběrajucu malsnosć pśipokazał.

Pólěpšenja

Pódawa pólěpšenja za aktualny efekt.

Zuk

Wubjeŕśo zuk z galerije abo wubjeŕśo jaden z specialnych zapiskow.

• Žeden zuk – w běgu animacije efekta se zuk njewótgrawa.

• Pjerwjejšny zuk zastajiś – zuk pjerwjejšnego efekta se zastajijo, gaž se aktualny efekt wuwjeźo.

• Drugi zuk – pokazujo datajowy dialog, aby zukowu dataju wubrał.

Tłocašk Zuk

Wótgrawa wubranu zukowu dataju.

Pó animaciji

Wubjeŕśo barwu, kótaraž se ma pokazaś, gaž se animacija kóńcy abo wubjeŕśo drugi naslědny efekt z lisćiny.:

• Z barwu wósłabiś – pó animaciji wosłabjajuca barwa formu połni.

• Njewósłabiś – naslědny efekt se njewuwjeźo.

• Pó animaciji schowaś – chowa formu pó kóńcu animacije.

• Pśi pśiducej animaciji schowaś – chowa formu pśi pśiducej animaciji.

Wósłabjajuca barwa

Wubjeŕśo wósłabjajucu barwu.

Tekstowa animacija

Wubjeŕśo animaciski modus za tekst aktualneje formy:

• Wšykne naraz – animěrujo cełkowny tekst naraz.

• Słowo pó słowje – animěrujo tekst słowo pó słowje.

• Pismik pó pismiku – animěrujo tekst pismik pó pismiku.

Wokomuźenje mjazy znamuškami

Pódawa procentowu sajźbu wokomuźenja mjazy animacijami słowow abo pismikow.