Do polygona

Pśetworjujo wubrany objekt do polygona (zacynjony objekt, kótaryž jo pśez rowne linije wobgranicowany). Naglěd objekta se njezměnijo. Jolic cośo, móžośo z pšaweju tastu kliknuś a Dypki wobźěłaś wubraś, aby se změny woglědał.

Pśistup k toś tomu pśikazoju …

Wubjeŕśo Forma – Pśetwóriś – Do polygona (jano LibreOffice Draw)

Wócyńśo kontekstowy meni wubranego objekta a wubjeŕśo Pśetwóriś – Do polygona

Bitmapowe wobraze do wektorowych grafikow pśetwóriś

Dialog Do polygona

Do polygona pśetwóriś

Slědujuce nastajenja su trjebne, aby se bitmapowy wobraz do polygona pśetwórił. Pśetwórjony wobraz jo pópšawem zběrka mjeńšych polygonow, kótarež su z barwu wupołnjone.

Nastajenja

Póstajśo pśetwórjeńske nastajenja za wobraz.

Licba barwow:

Zapódajśo licbu barwow, kótarež se maju w pśetwórjonem wobrazu pokazaś. LibreOffice polygon za kužde wustupowanje barwy we wobrazu generěrujo.

Dypkowa redukcija

Wótwónoźijo barwowe polygony, kótarež su mjeńše ako pikselowa gódnota, kótaruž zapódawaśo.

Źěry połniś

Połni barwowe źěry, kótarež nastawaju, gaž dypkowu redukciju nałožujośo.

Wjelikosć kachlickow

Zapódajśo wjelikosć pšawokuta za slězynowe połnjenje.

Žrědłowy wobraz:

Pśeglěd originalnego wobraza.

Wektorizěrowany wobraz:

Pśeglěd pśetwórjonego wobraza. Klikniśo na Pśeglěd, aby wektorizěrowany wobraz generěrował.

Póstup

Pokazujo pśetwórjeński proces.

Pśeglěd

Pokazujo pśeglěd pśetwórjonego wobraza, bźez togo aby se změny nałožyli.