Wobceŕk Animacija

Pśipokazujo wubranym objektam efekty.

Lisćina animacijow

Lisćina animacijow wšykne animacije za aktualnu foliju pokazujo.

• Kužda folija ma jadnu głownu animaciju, kótaraž se wótgrawa, gaž se folija pokazujo.

• Dajo snaź dalšne animacije, kótarež se wótgrawaju, gaž se forma pokazujo. Jolic dajo take animěrowane formy, nalicyju se w dolnej połojcy lisćiny animacijow. Rejtariki mě kuždeje formy pokazuju, kótaraž animaciju wótgrawa.

Kuždy lisćinowy zapisk ze slědujuceju dweju smužkowu wobstoj:

• Prědna smužka zapiska symbol myški pokazujo, jolic se animacija pśez kliknjenje z myšku startujo a zeger, jolic se animacija pó pjerwjejšnej animaciji kóńcy. Mimo togo mě formy za animaciski efekt abo prědne znamuška animěrowanego teksta.

• W drugej smužce symbol animaciski efekt pokazujo, pó nim kategorija a mě efekta.

Pśidaś

Pśidawa drugi animaciski efekt za wubrany objekt na foliji.

Wótwónoźeś

Wótwónoźujo wubrane animaciske efekty z lisćiny animacijow.

Pórěd změniś

Klikniśo na jadno z tłocaškow, aby wubrany animaciski efekt górjej abo dołoj w lisćinje pśesunuł.

Kategorija

Wubjeŕśo kategoriju animaciskego efekta. Slědujuce kategorije su k dispoziciji:

• Zastup: Wubjeŕśo zastupny efekt z lisćiny efektow.
• Wuzwignjenje: Wubjeŕśo wuzwignjeński efekt z lisćiny efektow.
• Wustup: Wubjeŕśo wustupny efekt z lisćiny efektow.
• Sćažki pógibowanja: Wubjeŕśo efekt sćažki pógibowanja z lisćiny efektow.

Efekt

Wubjeŕśo animaciski efekt.

Startowaś

Pokazujo, gaž ma se wubrany animaciski efekt startowaś. Slědujuce startowe nastajenja su k dispoziciji:

• Pśi kliknjenju – animacija pśi toś tom efekśe do pśiducego kliknjenja z myšku zastawa.

• Z pjerwjejšneju – animacija se ned wótgrawa.

• Pó pjerwjejšnej – animacija se wótgrawa, gaž se pjerwjejšna animacija kóńcy.

Kakosći: Směr, špice, cestosć, barwa, prědna barwa, połnjeca barwa, wjelikosć, linijowa barwa, pismo, pismowa wjelikosć, družyna pisma, měritko

Wuběra pśidatne kakosći animacije. Klikniśo na tłocašk Nastajenja, aby dialog Efektowe nastajenja wócynił, źož móžośo kakosći wubraś a nałožyś.

Cas

Pódawa cas wubranego animaciskego efekta.

Wokomuźenje

Animacija se wó pódany cas wokomuźa.

Awtomatiski pśeglěd

Wubjeŕśo nastajenje, aby pśeglěd nowych abo wobźěłanych efektow pśi pśipokazowanju na foliji pokazał.

Wótgraś

Wótgrawa wubrany animaciski efekt w pśeglěźe.