Animacija

Napórajo swójsku animaciju za aktualnu foliju. Móžośo jano eksistěrujuce objekty wužywaś, aby animaciju napórał.

Animacija

Pokazujo pśeglěd objektow w animaciji. Móžośo teke tłocašk Wótgraś tłocyś, aby se animaciju woglědał.

Skoka k prědnemu wobrazoju w animaciskej sekwency.

Wótgrawa animaciju slědk.

Zastaja animaciju.

Wótgrawa animaciju.

Skoka k slednemu wobrazoju w animaciskej sekwency.

Numer wobraza

Pódawa poziciju aktualnego wobraza w animaciskej sekwency. Jolic cośo drugi wobraz pokazaś, zapódajśo jogo numer abo klikniśo na šypku ↑ (górjej) a ↓ (dołoj).

Cas

Zapódajśo licbu sekundow, kótaruž se ma aktualny wobraz pokazaś. Toś to nastajenje jo jano k dispoziciji, jolic nastajenje Bitmapowy objekt w pólu Animaciska kupka wuběraśo.

Licba wóspjetowanjow

Póstaja, kak cesto se ma animacija wótgraś. Jolic cośo, až se animacija stawnje wótgrawa, wubjeŕśo Maks.

Wobraz

Pśidawa animaciji objekty abo wótwónoźujo je z animacije.

Objekt nałožyś

Pśidawa objekty ako jadnotliwy wobraz.

Objekty jadnotliwje nałožyś

Pśidawa wobraz za kuždy wubrany objekt. Jolic zrědowany objekt wuběraśo, se za kuždy objekt w kupce wobraz napórajo.

Móžośo teke animaciju wubraś, na pśikład animěrowany GIF a klikniśo na toś ten symbol, aby ju wobźěłował. Jolic sćo dokóńcył wobźěłanje, klikniśo na Napóraś, aby nowu animaciju do swójeje folije zasajźił.

Aktualny wobraz wulašowaś

Lašujo aktualny wobraz z animaciskeje sekwence.

Wšykne wobraze wulašowaś

Lašujo wšykne wobraze w animaciji.

Licba

Cełkowna licba wobrazow w animaciji.

Animaciska kupka

Nastaja objektowe kakosći za wašu animaciju.

Kupkowy objekt

Zjadnośujo wobraze do jadnotliwego objekta, aby se dali ako kupka pśesunuś. Móžośo hyšći jadnotliwe objekty wobźěłaś, gaž na kupku we foliji dwójcy klikaśo.

Bitmapowy objekt

Kombiněrujo wobraze do jadnotliwego wobraza.

Wusměrjenje

Wusměrjujo wobraze we wašej animaciji.

Napóraś

Zasajźujo animaciju do aktualneje folije.