Wótměrjenje

Změnja dłujkosć, měry a kakosći wubraneje měrjeńskeje linije.

Měrjeńska linija se pśecej na rowninje z mjenim Měrjeńske linije zasajźujo. Jolic cośo, až ma rownina njewidobna byś, njebuźośo žednu měrjeńsku liniju w swójej kreslance wiźeś.

Linija

Nastaja wótkłon měrjeńskeje linije a pomocne linije mjazy nimi a wót zakładneje linije.

1. Linija wótměry

2. Měrjeński tekst

3. Linijowy wótkłon

4. Pśewisk pomocnych linijow

5. Wótkłon pomocnych linijow

6. Zakładna linija

7. Lěwa pomocna linija

8. Pšawa pomocna linija

Linijowy wótkłon

Pódawa wótkłon mjazy měrjeńskeju liniju a zakładneju liniju (linijowy wótkłon = 0).

Pśewisk pomocnych linijow

Pódawa dłujkosć pšaweje a lěweje pomocneje linije zachopinajucy z liniju wótměry. Pozitiwne gódnoty pomocne linije nad liniju wótměry rozšyrjaju a negatiwne gódnoty pomocne linije pód liniju wótměry rozšyrjaju.

Wótkłon pomocnych linijow

Pódawa dłujkosć lěweje a pšaweje pomocneje linije zachopinajucy ze zakładneju liniju (linijowy wótkłon = 0). Pozitiwne gódnoty pomocne linije nad zakładnu liniju rozšyrjaju a negatiwne gódnoty pomocne linije pód zakładnu liniju rozšyrjaju.

Lěwa pomocna linija

Pódawa dłujkosć lěweje pomocneje linije kótaraž se na měrjeńskej liniji zachopina. Pozitiwne gódnoty pomocnu liniju nad měrjeńskeju liniju rozšyrjaju a negatiwne gódnoty pomocnu liniju pód měrjeńskeju liniju rozšyrjaju.

Pšawa pomocna linija

Pódawa dłujkosć pšaweje pomocneje linije kótaraž se na měrjeńskej liniji zachopina. Pozitiwne gódnoty pomocnu liniju pód měrjeńskeju liniju rozšyrjaju a negatiwne gódnoty pomocnu liniju nad měrjeńskeju liniju rozšyrjaju.

Měrjeńska linija pód objektom

Pśewobrośujo kakosći we wobceŕku Linija.

Decimalne městna

Pódawa licbu decimalnych městnow, kótarež se za pokazowanje linijowych kakosćow wužywaju.

Legenda

Nastaja kakosći měrjeńskego teksta.

Tekstowa pozicija

Póstaja poziciju měrjeńskego teksta w nastupanju měrjeńskeje linije a pomocnych linijow.

Awtomatiski wertikalny

Póstaja optimalnu wertikalnu poziciju za měrjeński tekst.

Awtomatiski horicontalny

Póstaja optimalnu horicontalnu poziciju za měrjeński tekst.

Měrjeńske jadnotki pokazaś

Pokazujo abo chowa měrjeńske jadnotki. Móžośo teke měrjeńsku jadnotku z lisćiny wubraś.

Paralelnje k pomocnej liniji

Pokazujo tekst paralelnje k měrjeńskej linije abo wó 90 stopnjow pśestajony.