OpenCL
OpenCL jo technologija za póspěšenje woblicenjow we wjelikich tabelowych dokumentach.
OpenCL™ jo prědny wótwórjony, standard bźez licencow za platformu pśesegujuce, paralelne programěrowanje modernych procesorow w personalnych kompjuterach, serwerach a rucnych/zasajźonych rědach. OpenCL (Open Computing Language) wó wjele malsnosć a reakcisku zamóžnosć za wjeliku licbu nałoženjow we wjele wikowańskich kategorijach pólěpšujo, wót software graśow a rozdrosćenja do wědomnostneje a medicinskeje software
Za dalšne informacije wó OpenCL glejśo sedło https://de.wikipedia.org/wiki/OpenCL (nimski)
Pó standarźe jo OpenCL w LibreOffice zmóžnjony. Gaž jo zmóžnjony, OpenCL GPU (graphics processing unit, grafikowa pśeźěłańska jadnotka) grata za krotšy wugbaśowy cas za woblicenja wužytkujo. To jo wužytne, gaž z wjelikimi tabelowymi dokumentami w LibreOffice Calc źěłaśo, kótarež se woblicenja z wjelikimi sajźbami datow pominaju.
Nastajenja OpenCL
Jolic OpenCL jo južo zmóžnjony, dialog OpenCL jo za wužywanje k dispoziciji pokazujo. Jolic OpenCL tuchylu njejo zmóžnjony, dialog OpenCL se njewužywa pokazujo.
Wužywanje OpenCL zmóžniś
Zmóžniśo abo znjemóžniśo toś ten kontrolny kašćik, aby OpenCL zmóžnił abo znjemóžnił. Wubjeŕśo Nałožyś abo W pórěźe, aby nastajenja aktualizěrował. Aby se změny wustatkowali, musy se LibreOffice znowego startowaś.
OpenCL wót k-dispoziciji-byśa gónjakow za hardware wašogo licadła wótwisujo. Jolic OpenCL pó standarźe njejo zmóžnjony, gónjaki njejsu w statusu funkcioněrowanja, njeeksistěruju abo njejsu instalěrowane.