Rozšyrjone

Pódawa pódpěrowańske nastajenja za nałoženja Java w LibreOffice, mjazy nimi, kótara Java Runtime Environment (JRE, wokolina casa wužywanja) ma se wužywaś. Pódawa teke, lěc se maju eksperimentelne (instabilne) funkcije ako nagraśe makrow a ekspertowe nastajenja wužywaś.

Pśistup k toś tomu pśikazoju …

Wubjeŕśo – LibreOffice – Rozšyrjone.


Wobraz dialoga nastajenjow Rozšyrjone

warning

Někotare nastajenja njedaju se slědk stajiś, gaž su se wobźěłali. Stajśo pak změny manuelnje slědk pak klikniśo na Pśetergnuś a wócyńśo zasej dialog Nastajenja.


Nastajenja Java

note

Aktualna lisćina modulow a resursow LibreOffice, kótarež wót Java wótwisuju, jo we wikiju k dispoziciji.


Wokolinu casa wužywanja Java wužywaś

Zmóžnja wam, nałoženja Java w LibreOffice wuwjasć. Gaž nałoženje Java wopytujo, pśistup ku kšutej plaśe dostał, se powěźeńka zjawijo.

Južo zainstalěrowane wokoliny casa wužywanja Java (JRE):

Wubjeŕśo JRE, kótaruž cośo wužywaś. Na někotarych systemach musyśo minutku cakaś, daniž se lisćina njepołni. Na někotarych systemach musyśo LibreOffice znowego startowaś, aby swójo změnjone nastajenje wužywał. Sćažka k JRE se pód lisćinowym pólom pokazujo.

Móžośo standardny JRE źěłowego systema z jadneju ze slědujucych alternatiwow pśepisaś:

Pśidaś

Pśidajśo kórjenjowemu zarědnikoju JRE sćažku na swójom licadle. Sćažka se w slědujucem dialogu nastaja:

Parametry

Wócynja dialog Startowe parametry Java.

Klasowa sćažka

Wócynja dialog Klasowa sćažka.

Opcionalne funkcije

Eksperimentelne funkcije pśidaś

Zmóžnja funkcije, kótarež hyšći njejsu dokóńcone abo mógu znate zmólki wopśimowaś. Lisćina toś tych funkcijow jo wersiju wót wersije druga, abo móžo samo prozna byś.

Nagraśe makrow zmóžniś

Zmóžnja nagraśe makrow. Menijowy zapisk Rědy – Makra – Makro nagraś jo k dispoziciji.

Ekspertowe nastajenja

Wócynja dialog Ekspertowe nastajenja za rozšyrjone nastajenja a konfiguraciju LibreOffice.

Pšosym pódprějśo nas!