Basic IDE

Definěrujo nastajenja za Basic IDE (integrěrowana wuwijańska wokolina), kótarež pomagaju makra w Basic wobźěłaś.

Pśistup k toś tomu pśikazoju …

Wubjeŕśo – LibreOffice – Basic IDE.

Wudopołnjenje koda

Toś ta funkcija programěrowarjeju Basic pomaga, kod wudopołniś, zajźujo wobšyrnemu pisańskemu źěłoju a pomaga programowe zmólki reducěrowaś.

Wudopołnjenje koda zmóžniś

Pokazujo metody objekta Basic. Wudopołnjenje koda metody objekta Basic pokažo, pód wuměnjenim, až objekt jo rozšyrjony UNO-typ a nastajenje „Rozšyrjone typy wužywaś“ jo teke zmóžnjone. Njefunkcioněrujo z powšyknyma typoma Basic objekt abo drugimi.

Gaž wariabla jo zwězowańske městno abo struktura UNO, se lisćinowe pólo zjawijo, gaž dypk za mjenim wariable (na pśikład aVar. tłocyśo [lisćinowe pólo se zjawijo]. Jogo metody a wariable su w lisćinowem pólu nalicone, ako se rowno tak pód nim pokazujo. Móžośo mjazy naraźonymi metodami a wariablami ze šypowymi tastami nawigěrowaś. Aby wubrany zapisk zasajźił, tłocćo tastu Enter abo klikniśo dwójcy z myšku na njen. Aby lisćinowe pólo pśetergnuł, tłocćo tastu Esc.

Gaž mě metody zapódawaśo a tabulatorowu tastu tłocyśo, se wubrany zapisk wudopołnjujo; gaž tabulatorowu tastu znowego tłocyśo, se wótpowědniki z nejdlejšym prefiksom cykliski pśejdu. Gaž se na pśikład aVar.aMeth zapódawa, se zapiski aMeth1, aMethod2, aMethod3 cykliski pśejdu, a druge zapiski njejsu schowane.

Pśikład:


    Dim aPicker As com.sun.star.ui.dialogs.XFilePicker

jo płaśiwa definicija wariable, k jogo metoźe maśo pśez dypkowy operator („.“) pśistup:


    aPicker.getDisplayDirectory()

Kodowe naraźenje

To su kodowe pomocne srědki za programěrowarje Basic.

Awtokorektura

Korigěrujśo w někotarych padach wariable a klucowe słowa Basic za zapódaśe. IDE LibreOffice Basic pisanje instrukcijow Basic a wariablow Basic wašogo koda změnijo, aby waš programěrowański stil a cytajobnosć pólěpšył. Změny koda na wariablowych deklaracijach programa a na analyzěrowanych pśikazach LibreOffice Basic bazěruju.

Pśikład:


    Dim intVar as Integer

A gaž Intvar pišośo, se pisanje do intVar změnijo, aby pisanjeju w deklaraciji intVar wótpowědował.

Klucowe słowa Basic se teke korigěruju (lisćina klucowych słowow se z parsera pśewzejo).

Pśikłady:

Integer, String, ReDim, ElseIf, etc...

Pazorki awtomatiski zacyniś

Pazorki se awtomatiski zacynjaju. IDE LibreOffice Basic zacynjajucy źěl pazorkow kuždy raz pśidawa, gaž prědny źěl pazorkow zapódawaśo. To jo praktiske, gaž se znamjenjowe rjeśazki do koda Basic zasajźuju.

Spinki awtomatiski zacyniś

Spinki se awtomatiski zacynjaju. IDE LibreOffice Basic slěznu spinku „)“ kuždy raz pśidawa, gaž prědnu spinku „(“ zapódawaśo.

Procedury awtomatiski zacyniś

Zacynjajuce instrukcije se awtomatiski za procedury zasajźuju. IDE LibreOffice Basic buźo instrukciju End Sub abo End Function pśidawaś, gaž instrukciju Sub abo Function zapódawaśo a Enter tłocyśo.

Rěcne funkcije

Rozšyrjone typy wužywaś

Zmóžnja, z objektowymi typami UNO kaž z płaśiwymi typami Basic wobchadaś. Toś ta funkcija standardne typy programěrowańskeje rěcy Basic wó typy UNO LibreOffice rozšyrjujo. To programěrowarjeju zmóžnja, wariable z pšawym typom UNO definěrowaś a jo trjebne za kodowe wudopołnjenje.

Pśikład:


    Sub Some_Calc_UNO_Types
    REM A spreadsheet object
        Dim oSheet As com.sun.star.sheet.XSpreadsheet
        oSheet = ThisComponent.getSheets().getByIndex(0)
    REM A cell object
        Dim oCell As com.sun.star.table.XCell
        oCell = oSheet.getCellByPosition(0,0)
    End Sub

Wužywanje rozšyrjonych typow UNO w programach Basic móžo kompatibelnosć programa wobgranicowaś, gaž se w drugich běrowowych paketach wuwjeźo.

Basic IDE