Kompleksne tekstowe wugótowanje

Definěrujo nastajenja za dokumenty z kompleksnym tekstowym wugótowanim.

Sekwencna kontrola

W rěcach akož thaišćina dajo pšawidła, kótarež póstajaju, až wěste znamuška njejsu dowólone pódla drugich znamuškow. Jolic sekwencna kontrola jo zmóžnjona, LibreOffice znamuško pódla drugego njedowólujo, jolic toś to jo pśez pšawidło zakazane.

Sekwencnu kontrolu wužywaś

Zmóžnja sekwencnu kontrolu za rěcy ako thaišćina.

Wobgranicowany

Zajźujo wužywanjeju ako teke śišćanjeju njedowólonych znamjenjowych kombinacijow.

Kursorowe wóźenje

Wubjeŕśo typ pógiba tekstowego kursora a tekstowego wuběrka za měšany tekst (tekstowy směr wótpšawa nalěwo měšany z wótlěwa napšawo).

Logiske

Gaž pšawu šypowu tastu tłocyśo, se tekstowy kursor ku kóńcoju aktualnego teksta gibjo. Gaž lěwu šypowu tastu tłocyśo, se tekstowy kursor k zachopjeńkoju aktualnego teksta gibjo.

Wizuelny

Gaž pšawu šypowu tastu tłocyśo, se tekstowy kursor napšawo gibjo. Gaž lěwu šypowu tastu, se tekstowy kursor nalěwo gibjo.

Powšykne nastajenja

Cyfry (jano w teksće)

Wuběra typ cyfrow w teksće, teksće w objektach, pólach a wóźeńskich elementach we wšych modulach LibreOffice. Jano celowe wopśimjeśe LibreOffice Calc njejo pótrjefjone.

• Arabske: Wšykne licby se ako arabske licby (1, 2, 3…) pokazuju. To joe standard.

• Pódzajtšnoarabske: Wšykne licby se ako pódzajtšnoarabske licby ((١‎, ٢‎, ٣...) pokazuju.

• System: Wšykne licby se ako arabske abo pódzajtšnoarabske licby pokazuju, pó narodnych nastajenjach, kótarež su w narodnych nastajenjach wašogo systema definěrowane.

• Kontekst: Licby se ako arabske, pódzajtšnoarabske abo druge licby pokazuju, pó narodnych nastajenjach, kótarež su pśez kontekst definěrowane: wobdawajucy tekst abo znamjenjowy format. Cyfry daju se w drugich rěcach zwobrazniś (Amharšćina, Birmašćina, Odia atd.).

Toś to nastajenje se w dokumenśe njeskładujo, ale w konfiguraciji LibreOffice.