Nastajenja

Definěrujo formulowe nastajenja, kótarež za wšykne dokumenty płaśe.

Śišćarske nastajenja

Titel

Pódawa, lěc cośo mě dokumenta śišćaś.

Formulowy tekst

Pódawa, lěc se ma wopśimjeśe wokna Pśikaze dołojce na wuśišću śišćaś.

Ramik

Nałožujo śańki ramik na formulowy wobceŕk we wuśišću. Titel a Formulowy tekst se jano zaramikujotej, jolic wótpowědny kontrolny kašćik jo aktiwny.

Śišćaŕski format

Originalna wjelikosć

Śišći formulu, bźez togo aby se aktualna pismowa wjelikosć pśiměriła. Jo móžno, až se pśi wjelikich formulach źěl pśikazowego teksta wótrězujo.

Wjelikosći pśiměriś

Pśiměrjujo formulu na format boka, kótaryž se we wuśišću wužywa. Napšawdna wjelikosć se pśez wužyty papjerowy format póstaja.

Skalěrowanje

Pómjeńšujo abo pówětšujo wjelikosć wuśišćaneje formule wó pódany pówětšujucy faktor. Zapódajśo póžedany pówětšujucy faktor direktnje do wóźeńskego elementa Skalěrowanje, abo nastajśo gódnotu z pomocu šypowych tastow.

Dalšne nastajenja

Wizuelne wobźěłanje zmóžniś

Zmóžnja direktne wobźěłanje formulow we woknje formulowego pokazanja. Toś to nastajenje jo pó standarźe znjemóžnjone.

~ a ' na kóńcu smužki ignorěrowaś

Pódawa, až se toś te zastupujuce symbole wótwónoźuju, jolic su na kóńcu smužki. W staršych wersijach LibreOffice jo se pśidawanje takich znamuškow na kóńcu smužki tomu zajźowało, až se pšawa kšoma formule pśi śišćanju wótrězujo.

Jano wužyte symbole zasajźiś (mjeńša datajowa wjelikosć)

Składujo jano te symbole z kuždeju formulu, kótarež se w tej formuli wužywaju. W staršych wersijach LibreOffice su se wšykne symbole z kuždeju formulu składli.

Rožkate, kulowate a wuzgibnjone spinki awtomatiski zacyniś

Bitujo zacynjajucu rožkatu spinku, kulowatu spinku abo wuzgibnjonu spinku, gaž se wótpowědne wócynjajuce znamuško w formulowem editorje zapódawa.

Zapódawańske wokno za skalěrowański faktor

Reducěrujo abo pówušujo wjelikosć formulowego koda pśez wěsty skalěrowański faktor.