Powšykne (Impress a Draw)

Definěrujo powšykne nastajenja za kresleńske abo prezentaciske dokumenty.

Pśistup k toś tomu pśikazoju …

Wócyńśo prezentaciski abo kresleński dokument, pón

Z menijoweje rědki:

Wubjeŕśo – LibreOffice Impress/LibreOffice Draw – Powšykne.

Z pówjercha z rejtarikami:

Klikniśo na tłocašk Nastajenja napšawo a wubjeŕśo LibreOffice Impress/LibreOffice Draw – Powšykne.

Z tastatury:

Alt + F12 a wubjeŕśo LibreOffice Impress/LibreOffice Draw – Powšykne.

Nowy dokument (Impress)

Z wuběrkom pśedłogow startowaś

Pódawa, lěc se ma wokno Pśedłogu wubraś aktiwěrowaś, gaž se prezentacija z Dataja – Nowy – Prezentacija wócynja.

Tekstowe objekty

Malsne wobźěłanje dowóliś

Jolic zmóžnjone, móžośo tekst ned pó kliknjenju tekstowego objekta wobźěłaś. Jolic znjemóžnjone, musyśo dwójcy kliknuś, aby tekst wobźěłał.

W prezentaciskem abo kresleńskem dokumenśe móžośo teke modus tekstowego wobźěłanja z pomocu symbola Malsne wobźěłanje zmóžniś w symbolowej rědce Nastajenja aktiwěrowaś.

Jano tekstowy wobceŕk wuběrajobny

Pódawa, lěc se ma tekstowe pólo wubraś, gaž na tekst klikaśo.

We wobceŕku tekstowego póla, kótaryž njejo z tekstom wupołnjony, dajo se objekt za tekstowym pólom wubraś.

W prezentaciskem abo kresleńskem dokumenśe móžośo teke toś ten modus z pomocu symbola Jano tekstowe pólo wubraś w symbolowej rědce Nastajenja aktiwěrowaś.

Nastajenja

Pśi pśesuwanju kopěrowaś

Jolic zmóžnjone, se kopija napórajos, gaž objekt pśesuwaśo, mjaztym až tastu tłoconu źáržyśo. To samske za wjerśenje a změnjanje wjelikosći objekta płaśi. Originalny objekt na swójej aktualnej poziciji a w swójej wjelikosći wóstanjo.

Slězynowy pufrowak wužywaś

Pódawa, lěc se ma pufrowak wužywaś, aby objekty na globalnej foliji pokazał. To pokazanje póspěšyjo. Znjemóžniśo nastajenje Slězynowy pufrowak wužywaś, jolic cośo změnjone wopśimjeśe na globalnej foliji pokazaś.

Objekty pśecej pśesuwajobne

Pódawa, až cośo objekt ze zmóžnjonym rědom Wjerśeś pśesunuś. Jolic Objekt pśecej pśesuwajobny njejo markěrowane, dajo se rěd Wjerśeś jano wužywaś, aby objekt pśesunuł.

Objekty w kśiwance njespryšćiś (jano w kreslankach)

Wuchowajo relatiwne wusměrjenje Bézierowych dypkow a kresleńskich objektow 2D k sebje, gaž objekt pryšćiśo.

Jadnotka měry

Póstaja měrjeńsku jadnotku za prezentacije a kreslanki.

Tabulatory

Definěrujo wótkłon mjazy tabulatorami.

Skalěrowaś (dokumenty Draw)

Měritko kreslanki

Póstaja měritko kreslanki na statusowej rědce. Klikniśo z pšaweju tastu na skalěrowański faktor w statusowej rědce, aby lisćinu móžnych gódnotow wócynił.