Wulicyś

Definěrujo nastajenje za wulicenje w tabelowych dokumentach. Definěrujo zaźaržanje tabelowych dokumentow z iteratiwnymi póśěgami, datumowe nastajenja, licbu decimalnych městnow a lěc se ma na mało- a wjelikopisanje źiwaś, gaž se w tabelach pyta.

Pśistup k toś tomu pśikazoju …

Wócyńśo tabelowy dokument, wubjeŕśo – LibreOffice Calc – Wulicyś.


Iteratiwne póśěgi

W toś tom wótrězku móžośo licbu kšacow pśibliženja wobgranicowaś, kótarež se maju w iteratiwnych woblicenjach wuwjasć. Mimo togo móžośo stopjeń dokradnosći wótegrona pódaś.

Iteracije

Pódawa, lěc se formule z iteratiwnymi póśěgami (formule, kótarež se stawnje wóspjetuju, daniž problem njejo rozwězany) pó wěstej licbje wóspjetowanjow woblicuju. Jolic pólo Iteracije njejo markěrowane, buźo iteratiwny póśěg w tabeli powěźeńku zmólki zawinowaś.

Přikład:Wulicenje płaśizny artikla bźez nadgódnotowego danka.

  1. Zapódajśo tekst „Pśedankowa płaśizna“ do cele A5, tekst „Netto“ do cele A6 a tekst „Nadgódnotowy dank“ do cele A7.

  2. Zapódajśo něnto pśedankowu płaśiznu (na pśikład 100) do cele B5. Nettopłaśizna ma w celi B6 byś a nadgódnotowy dank w celi B7.

  3. Wěsćo, až se nadgódnotowy dank z „nettopłaśizna raz 19 %“ wulicujo a až nettopłaśiznu dostawaśo, gaž nadgódnotowy dank wót pśedankoweje płaśizny wótśěgujośo. Zapódajśo formulu =B5-B7 do cele B6, aby nettopłaśiznu wulicył a zapódajśo formulu =B6*0.19 do cele B7, aby nadgódnotowy dank wulicył.

  4. Zmóžniśo iteracije, aby formule korektnje woblicył, howac se powěźeńka zmólki „cirkularny póśěg“ w statusowej rědce zjawijo.

A

B

5

Pśedankowa płaśizna

100

6

netto

=B5-B7

7

Nadgódnotowy dawk

=B6*0,19


Kšace

Nastaja maksimalnu licbu iteraciskich kšacow.

Minimalna změna

Pódawa diferencu wuslědkow dweju jaden pó drugem slědujucych iteraciskich kšacow. Jolic wuslědk iteracije jo nišy ako gódnota minimalneje změny, se iteracija skóńcyjo.

Datum

Wubjeŕśo zachopny datum za nutśikowne pśetwórjenje wót dnjow do licbow.

warning

Microsoft Excel wrongly assumes year 1900 to be a leap year and considers the inexistent day of 1900-02-29 as valid in date calculations. Dates prior to 1900-03-01 are therefore different in Excel and Calc.


1899-12-30 (standard)

Nastaja 1899-12-30 ako źeń nul.

1900-01-01 (StarCalc 1.0)

Nastaja 1900-01-01 ako źeń nul. Wužywajśo toś to nastajenje za tabelowe dokumenty StarCalc 1.0, kótarež datumowe zapiski wopśimuju.

1904-01-01

Nastaja 1904-01-01 ako źeń nul. Wužywajśo toś to nastajenje za tabelowe dokumenty, kótarež su se importěrowali w cuzem formaśe.

Na wjelikopisanje źiwaś

Pódawa, lěc se ma mjazy wjeliko- a małopisanim w tekstach rozeznaś, gaž se wopśimjeśe celow pśirownujo.

Pśikład: Zapódajśo tekst „Test“ do cele A1 a tekst „test“ do cele B1. Zapódajśo pón formulu „=A1=B1“ do cele C1. Jolic kašćik Na wjelikopisanje źiwaś jo markěrowany, se WĚRNO w celi zjawijo; howac se NJEWĚRNO w celi zjawijo.

note

Tekstowa funkcija IDENTISKI pśecej mjazy wjeliko- a małopisanim rozeznawa, njeźiwajucy na nastajenja w toś tom dialogu.


warning

Znjemóžniśo Na wjelikopisanje źiwaś za tabelowe dokumenty, kótarež muse z Microsoft Excel kompatibelne byś.


Dokradnosć kaž pokazana

Pódawa, lěc maju se z pomocu narownanych gódnotow, kótarež se w tabeli pokazuju, woblicenja pśewjasć. Diagramy se z pokazanymi gódnotami pokazuju. Jolic nastajenje Dokradnosć kaž pokazana njejo markěrowane, se pokazane licby narownuju, ale se z pomocu njenarownaneje licby internje woblicuju.

Pytańske kriterije = a <> muse se na cełe cele nałožyś

Pódawa, až pytańske kriterije, kótarež sćo nastajił za funkcije datoweje banki Calc, muse eksaktnje cełej celi wótpowědowaś. Gaž kašćik Pytańske kriterije = a <> muse se na cełe cele nałožyś ako teke kašćik Zastupujuce symbole w formulach zmóžniś su markěrowane, se LibreOffice Calc eksaktnje ako Microsoft Excel zaźaržujo, gaž se cele w funkcijach datoweje banki pśepytuju.

* na slědujucej poziciji:

Pytański wuslědk:

win

Namakajo win, ale nic win95, os2win abo zawinowaś

win*

Namakajo win a win95, ale nic os2win abo zawinowaŕ

*win

Namakajo win a os2win, ale nic win95 abo zawinowaŕ

*win*

Namakajo win, win95, os2win a zawinowaŕ


Jolic nastajenje Pytańske kriterije = a <> muse se na cełe cele nałožyś njejo zmóžnjone, pytański muster „win“ ako „*win*“ statkujo. Pytański muster móžo na kuždej poziciji w celi byś, gaž se z funkcijami datoweje banki Calc pyta.

warning

Zmóžniśo toś to nastajenje za tabelowe dokumenty, kótarež muse z Microsoft Excel kompatibelne byś.


Zastupujuce symbole w formulach zmóžniś

Pódawa, až zastupujuce symbole su pśi pytanju a teke za pśirownanja znamjenjowych rjeśazkow zmóžnjone.

warning

Zmóžniśo zastupujuce symbole w formulach za tabelowe dokumenty, kótarež muse z Microsoft Excel kompatibelne byś.


Regularne wuraze w formulach zmóžniś

Pódawa, až regularne wuraze město jadnorych zastupujucych symbolow su pśi pytanju a teke za pśirownanja znamjenjowych rjeśazkow zmóžnjone.

warning

Njezmóžniśo regularne wuraze w formulach za tabelowe dokumenty, kótarež muse z Microsoft Excel kompatibelne byś.


Žedne zastupujuce symbole abo regularne wuraze w formulach

Pódawa, až se jano pismiki pśi pytanju a teke za pśirownanja znamjenjowych rjeśazkow wužywaju.

warning

Njeznjemóžniśo zastupujuce symbole w formulach za tabelowe dokumenty, kótarež muse z Microsoft Excel kompatibelne byś.


Pópisanja słupow a smužkow awtomatiski namakaś

Pódawa, až móžośo tekst w někakej celi ako pópisanje za słup pód tekstom abo smužku napšawo wót teksta wužywaś. Tekst musy nanejmjenjej z jadnogo słowa wobstojaś a njesmějo operatory wopśimowaś.

Pśikład: Cela E5 tekst „Europa“ wopśimujo. Dołojce, w celi E6, jo gódnota 100 a w celi E7 gódnota 200. Jolic kašćik Pópisanja słupow a smužkow awtomatiski namakaś jo markěrowany, móžośo slědujucu formulu w celi A1 zapódaś: =SUMA(Europa).

Za dalšne informacije glejśo Mjenja ako adresěrowanje spóznaś

Decimalne městna za powšykny licbowy format wobgranicowaś

Móžośo maksimalnu licbu decimalnych městnow pódaś, kótarež se pó standarźe za cele ze standardnym licbnym formatom pokazuju. Jolic toś to nastajenje njejo zmóžnjone, se za cele ze standardnym licbnym formatom tak wjele decimalnych městnow pokazuju, ako šyrokosć słupa dowólujo.

Decimalne městna

Definěrujo licbu decimalnych městnow, kótarež se maju za licby z licbowym formatom standard pokazaś. Licby se ako wótrownane licby pokazuju, se pak ako wótrownane licby njeskładuju.

Pšosym pódprějśo nas!