Sortěrowańske lisćiny

Wšykne swójske lisćiny se w dialogu Sortěrowańske lisćiny pokazuju. Móžośo teke swójske lisćiny definěrowaś a wobźěłaś. Jano tekst dajo se ako sortěrowańske lisćiny wužywaś, nic licby.

Lisćiny

Pokazujo wšykne lisćiny, kótarež su k dispoziciji. Toś te lisćiny daju se za wobźěłanje wubraś.

Zapiski

Pokazujo wopśimjeśe tuchylu wubraneje lisćiny. Toś to wopśimjeśe dajo se wobźěłaś.

Lisćinu kopěrowaś z

Definěrujo tabelowy dokument a cele, kótarež se maju kopěrowaś, aby se do póla Lisćiny zasajźili. Tuchylu wubrany wobceŕk w tabelowem dokumenśe jo standard.

Kopěrowaś

Kopěrujo wopśimjeśe celow w pólu Lisćinu kopěrowaś z. Jolic póśěg k pódanym smužkam a słupam wuběraśo, se dialog Lisćinu kopěrowaś pó kliknjenju na tłocašk zjawijo. Móžośo toś ten dialog wužywaś, aby definěrował, lěc se pósěg pó smužce abo pósłupje do sortěrowańskich lisćinow pśetwórjujo.

Nowy/Zachyśiś

Zasajźujo wopśimjeśe noweje lisćiny do póla Zapiski. Toś ten tłocašk se wót Nowy do Zachyśiś změnijo a zmóžnja, nowu lisćinu wulašowaś.

Pśidaś/Změniś

Zasajźujo nowu lisćinu do póla Lisćiny. Jolic cośo toś tu lisćinu w pólu Zapiski wobźěłaś, se toś ten tłocašk wót Pśidaś do Změniś změnijo a zmóžnja, změnjonu lisćinu zasajźiś.