Naglěd

Definěrujo standardne nastajenja za zwobraznjowanje objektow we wašych tekstowych dokumentach a teke standardne nastajenja za woknowe elementy.

Pśistup k toś tomu pśikazoju …

Z menijoweje rědki:

Wócyńśo tekstowy dokument, wubjeŕśo – LibreOffice Writer/LibreOffice Writer/Web – Naglěd.

Z pówjercha z rejtarikami:

Wubjeŕśo Nastajenja… z menija górjejce napšawo (☰)

– wubjeŕśo pón w dialogu Nastajenja LibreOffice Writer – Naglěd abo LibreOffice/Web – Naglěd.

Z tastatury:

Alt + F12

– wubjeŕśo pón w dialogu Nastajenja LibreOffice Writer – Naglěd abo LibreOffice/Web – Naglěd.


Pomocne linije

Pódawa nastajenja, kótarež se na zwobraznjenje granicow póśěguju.

Pomocne linije pśi pśesuwanju

Pokazujo pópadańske linije wokoło wobłukow, gaž se wobłuki pśesuwaju. Móžośo nastajenje Pomocne linije pśi pśesuwanju wubraś, aby eksaktnu poziciju objekta z pomocu linealowych gódnotow pokazał.

Pokazaś

Definěrujo, kótare elementy dokumenta se pokazuju.

Wobraze a objekty

Pódawa, lěc se maju wobraze a objekty na wobrazowce pokazaś. Jolic tute elementy su schowane, buźośo prozne wobłuki ako zastupujuce symbole wiźeś.

Móžośo teke pokazanje grafikow z pomocu symbola Wobraze a diagramy wóźiś. Jolic tekstowy dokument jo wócynjony, se toś ten symbol w symbolowej rědce Rědy pokazujo.

note

Jolic nastajenje Wobraze a objekty njejo wubrane, se grafiki z interneta njezacytaju. Grafiki w tabeli a bźez pódaśa jich wjelikosći mógu pokazowańske problemy zawinowaś, gaž se na woglědanem boku staršy HTML-standard wužywa.


Tabele

Pokazujo tabele, kótarež su we wašom dokumenśe wopśimjone.

Aby tabelowe granice pokazał, klikniśo z pšaweju tastu na tabelu a wubjeŕśo Tabelowe granice, abo wubjeŕśo Tabela – Tabelowe granice w dokumenśe Writer.

Kreslanki a wóźeńske elementy

>Pokazujo kreslanki a wóźeńske elementy, kótarež su we wašom dokumenśe wopśimjone.

Komentary

Pokazujo komentary. Klikniśo na komentar, aby tekst wobźěłał. Wužywajśo kontekstowy meni w Nawigatorje, aby komentar namakał abo wulašował. Wužywajśo kontekstowy meni komentara, aby toś ten komentar abo wšykne komentary toś togo awtora wulašował.

Rozwězane komentary

Komentary pokazaś, kótarež su ako rozwězane markěrowane.

Póla pokazaś

Schowany tekst

Pokazujo tekst, kótaryž jo se schował pśez pólo Wuměnity tekst abo Schowany tekst.

Schowane wótstawki

Wótstawki pokazaś, kótarež pólo Schowany wotstawk wopśimuju. Toś to nastajenje ma samsku funkciju ako menijowy pśikaz Naglěd – Schowane wótstawki.

Slědowane změny pokazaś

Slědowane wulašowanja na kšomje

Pokazujo wulašowany tekst w dokumenśe na lěwej kšomje, město w normalnem teksće.

Pomocne teksty wó slědowanych změnach

Pokazujo pomocny tekst, gaž kursor myški jo nad změnu w dokumenśe. Pomocny tekst awtora změny, casowy kołk a lěc jo zasajźenje abo wulašowanje pódawa.

Naglěd

Pódawa, lěc pśesuwańske słupiki a lineale su widobne.

Horicontalny lineal

Pokazujo horicontalny lineal. Wubjeŕśo póžedanu měrjeńsku jadnotku z wótpowědneje lisćiny.

Wertikalny lineal

Pokazujo wertikalny lineal. Wubjeŕśo póžedanu měrjeńsku jadnotku z wótpowědneje lisćiny.

Pózlažke kulanje

Aktiwěrujo funkciju pózlažkego kulanja boka. Malsnosć kulanja wót wobceŕka a barwoweje dłymokosći pokazanje wótwisujo.

Napšawo wusměrjony

Maśo jano pśistup k toś tym pśikazam, za tym až sćo zmóžnił pódpěru za aziske rěcy w – Rěcy a narodne šemy – Powšykne.

Wusměrjujo wertikalny lineal na pšawem ramiku.

Rozrědowańske złoženje

Tłocaški za złožowanje rozrědowanjow pokazaś

Pokazujo tłocaški rozrědowańskego złoženja nalěwo wót rozrědowańskich nadpismow a zmóžnja jo pśez kontekstowy meni nadpismow w Nawigatorje.

Pódrowniny zapśimjeś

Gaž se nadpismo złožujo, teke jogo pódrowniny schowaś.

Nastajenja (jano za dokument HTML)

Měrjeńska jadnotka

Pódawa měrjeńsku jadnotku za dokumenty HTML.

Pšosym pódprějśo nas!