Naglěd
Pśiměŕśo wenkowny naglěd nałoženja njewótwisujucy wót drastwy desktopoweje wokoliny.
Drastwy LibreOffice
Wuběra drastwowu šemu, kótaruž cośo wužywaś, z wuběrańskeje lisćiny.
-
Awtomatiski: Wenkowny naglěd nałoženja a dokumenta wót drastwy desktopoweje wokoliny wótwisujo. Jolic desktopowa wokolina swětłu drastwu wužywa, se swětłe barwy wužywaju a nawopak.
-
Swětły: naglěd groni, až se barwy swětłeje drastwy wužywaju.
-
Śamny: naglěd groni, až se barwy śamneje drastwy wužywaju.
-
Swójske drastwowe mě: Wužywajśo nastajenja wenkownego naglěda ze swójskeje drastwy.
Dalšne drastwy pśidaś
Drastwy su teke ako rozšyrjenja k dispoziciji. Aby rozšyrjeńsku drastwu instalěrował, klikniśo na tłocašk Dalšne drastwy pśidaś pódla wuběrańskego menija drastwow.
Wužywajśo zastojnik rozšyrjenjow, aby swójsku drastwu wótwónoźeł.
Nałožeńske drastwy zmóžniś
Wenkowny naglěd nałoženja z rozšyrjeńskimi drastwami zmóžniś
Běłu dokumentowu slězynu wužywaś
Pśepisujo dokumentowu slězynowu barwu drastwy a staja ju na běły.
Bitmap za slězynu nałoženja wužywaś (jano za Writer)
Wubjeŕśo bitmap, kótaryž se ma ako slězynu nałoženja pokazaś.
-
Rozćěgnjony: Wobraz se rozćěgujo, aby płoninu slězyny wupołnił.
-
Kachlickowany: Wobraz se kachlickujo, aby płoninu slězyny wupołnił.
Pśiměrjenja
Zapiski
Wubjeŕśo zapisk, aby barwu pśiměrił.
Barwa
Wubjeŕśo barwu zapiska.
Barwowe nastajenja za „Woglědane wótkaze“ a „Njewoglědane wótkaze“ jano za dokumenty płaśe, kótarež su se napórali, za tym až sćo nałožył nastajenja.
W dokumenśe pokazaś
Pokazujo ned wuběrk barwow w dokumenśe. Toś to nastajenje jo za źělnu sajźbu zapiskow k dispoziciji.
Wšykne slědk stajiś
Wrośa barwowe pśiměrjenja na drastwu Awtomatiski.
Symbole
Symbolowe drastwy
Wubjeŕśo symbolowu drastwu za nałoženje.
Dalšne symbole pśidaś
Symbole su teke ako rozšyrjenja k dispoziciji. Aby sajźbu rozšyrjeńskich symbolow instalěrował, klikniśo na tłocašk Dalšne symbole pśidaś pódla wuběrańskego menija za symbole.
Symbolowa rědka
Pódawa pokazowańsku wjelikosć symbolow symboloweje rědki.
Bocnica
Pódawa pokazowańsku wjelikosć symbolow bocnice.
Symbolowy pask
Pódawa pokazowańsku wjelikosć symbolow symbolowego paska.
Dialogi
Wubjeŕśo pozicije dialogowych tabulatorow.
