Naglěd

Pódawa naglědowe nastajenja za zaźaržanje myški, grafiske wudaśe a pismowe lisćiny.

Myška

Srjejźna tasta

Definěrujo funkciju srjejźneje tasty myški.

1. Žedna funkcija – žedna akcija se pśez srjejźnu tastu njewuwjeźo.

2. Awtomatiske kulanje – śěgnjenje ze tłoconeju srjejźneju tastu myški naglěd pśesunjo.

3. Mjazywótkład zasajźiś – tłocenje srjejźneje tasty myški wopśimjeśe „wuběrańskego mjazywótkłada“ na poziciji kursora zasajźijo.

„Wuběrański mjazywótkład“ jo njewótwisny wót normalnego mjazwótkłada, kótaryž móžośo z Wobźěłaś – Kopěrowaś/Wurězaś/Zasajźiś abo wótpowědnymi tastowymi skrotconkami wužywaś. Mjazywótkład a „wuběrański mjazywótkład“ móžotej rozdźělne wopśimjeśe w samskem casu wopśimowaś.

Akcija	Mjazywótkład	Wuběrański mjazywótkład
Wopśimjeśe kopěrowaś	Wobźěłaś – Kopěrowaś +C.	Tekst, tabelu, objekt wubraś.
Wopśimjeśe zasajźiś	Wobźěłaś – Zasajźiś +V na poziciji kursora zasajźujo.	Kliknjenje ze srjejźneju tastu myški na poziciji pokazowaka myški zasajźujo.
Do drugego dokumenta zasajźiś	Žeden wliw na wopśimjeśe mjazywótkłada.	Slědny wuběrk jo wopśimjeśe wuběrańskego mjazywótkłada.

Wudaśe grafiki

Hardwarowe póspěšenje wužywaś

Ma direktny pśistup k hardwarowym funkcijam adaptera za grafiske pokazanje licadła, aby se pokazanje na wobrazowce pólěpšyło. Pódpěra za hardwarowe póspěšenje wót źěłowego systema a hardware licadła wótwisujo.

Antialiasing wužywaś

Zmóžniśo abo znjemóžniśo anti-aliasing za grafiki. Gaž anti-aliasing jo zmóžnjony, zwobraznjenje nejwěcej grafiskich objektow pózłažke a z mjenjej artefaktami wuglěda.

Lisćina pismow

Pśeglěd pismow pokazaś

Pokazujo mjenja wuběrajobnych pismow we wótpowědnem pismje, na pśikład w pólu „Pismo“ w symbolowej rědce Formatěrowanje.

Antialiasing za pismo wobrazowki

Wubjeŕśo toś to nastajenje, aby naglěd teksta na wobrazowce głaźił.

wót

Zapódajśo nejmjeńšu pismowu wjelikosć, na kótaruž se ma antialiasing nałožyś.