Pisma
Wuměnijo pismo z pismom wašeje wólby. Narownanje pismo jano narownajo, gaž se na wobrazowce pokazujo, abo na wobrazowce a pśi śišćanju. Narownanje pismowe nastajenja njezměnja, kótarež su w dokumenśe skłaźone.
Jolic cośo, móžośo standardne narownańske pismo pśepisaś, kótarež waš źěłowy system wužywa, gaž na pismo w dokumenśe starcyjo, kótarež njejo k dispoziciji.
Narownanje pisma teke pokazanje pismow na wužywaŕskem pówjerchu LibreOffice wobwliwujo.
Někotare nastajenja njedaju se slědk stajiś, gaž su se wobźěłali. Stajśo pak změny manuelnje slědk pak klikniśo na Pśetergnuś a wócyńśo zasej dialog Nastajenja.
Tabelu wuměnow nałožyś
Zmóžnja nastajenja narownanja pismow, kótarež definěrujośo.
Tabela wuměnow
Nalicyjo originalne pismo a narownańske pismo. Wubjeŕśo Pśecej, aby pismo wuměnił, samo gaby originalne pismo na wašom systemje zainstalěrowane było. Wubjeŕśo Jano wobrazowka, aby pismo wobrazowki wuměnił a až njeby se nigda pismo za śišćanje wuměniło.
|
Kontrolny kašćik Pśecej |
Kontrolny kašćik Jano wobrazowka |
Narownańska akcija |
|---|---|---|
|
zmóžnjony |
prozny |
Narownanje pismow na wobrazowce a pśi śišćanju, lěc pismo jo instalěrowane abo nic. |
|
zmóžnjony |
zmóžnjony |
Narownanje pismow jano na wobrazowce, lěc pismo jo instalěrowane abo nic. |
|
prozny |
zmóžnjony |
Narownanje pismow jano na wobrazowce, ale jano, jolic pismo njejo k dispoziciji. |
|
prozny |
prozny |
Narownanje pismow na wobrazowce a pśi śišćanju, ale jano, jolic pismo njejo k dispoziciji. |
Pismo
Zapódajśo abo wubjeŕśo pismo, kótarež cośo wuměniś.
Wuměniś z
Zapódajśo abo wubjeŕśo mě narownańskego pisma.
Nałožyś
Nałožujo wubrane narownanje pisma.
Nałožyś
Wulašowaś
wulašujo wubrane narownanje pisma.
Wulašowaś
Pismowe nastajenja za žrědłowe teksty HTML a Basic
Wubjeŕśo pismo a pismowu wjelikosć za pokazanje žrědłowego koda HTML a Basic.
Pisma
Wubjeŕśo pismo za pokazanje žrědłoweho koda HTML a Basic. Wubjeŕśo Awtomatiski, aby awtomatiski pśigódne pismo namakał.
Jano njeproporcionalne pisma
Zmóžniśo toś to nastajenje, aby jano njeproporcionalne pisma w lisćinowem pólu Pisma pokazał.
Wjelikosć
Wubjeŕśo pismowu wjelikosć za pokazanje žrědłowego koda HTML a Basic.