Nastajenja
Toś ten pśikaz dialog za pśiměrjonu programowu konfiguraciju wócynja.
Wšykne swóje nastajenja se awtomatiski składuju. Aby zapisk pokazał, klikniśo pak na toś ten zapisk pak na plusowe znamuško. Aby zapisk schował, klikniśo na minusowe znamuško abo klikniśo dwójcy na zapisk.
Wiźiśo jano zapiski, kótarež su na aktualny dokument nałožujobne. Jolic aktualny dokument jo tekstowy dokument, wiźiśo zapisk LibreOffice Writer, a wótpowědnje za wšykne module LibreOffice.
Z pówjercha z rejtarikami:
Wubjeŕśo z menija górjejce napšawo (☰).
Alt + F12
Tłocaški dialoga Nastajenja
W pórěźe
Składujśo změny na boku a zacyńśo dialog Nastajenja.
Pśetergnuś
Zacyńśo dialog Nastajenja a zachyśćo wšykne pśewjeźone změny.
Nałožyś
Nałožujo změnjone abo wubrane gódnoty, bźez togo aby se dialog Nastajenja zacynił.
Slědk stajiś
Staja změny slědk, kótarež su se pśewjadli w aktualnem rejtariku, na te nastajenja, kótarež do togo su byli we wócynjonem dialogu.
Někotare nastajenja njedaju se slědk stajiś, gaž su se wobźěłali. Stajśo pak změny manuelnje slědk pak klikniśo na Pśetergnuś a wócyńśo zasej dialog Nastajenja.
Pomoc
Wócynja wopśimjeśe pomocy za pokazany bok nastajenjow.
Wužywajśo toś ten dialog, aby powšykne nastajenja za źěło z LibreOffice napórał. Informacije temy ako wužywaŕske daty, składowanje, śišćanje, sćažki k wažnym datajam a zapisam wopśimujo.
Pódawa nastajenja za zacytanje a składowanje.
Definěrujo kakosći za pśidatne rěcy.
Toś te nastajenja wašnju póstajaju, na kótaruž z tekstowymi dokumentami wobchadaju, kótarež su se napórali w LibreOffice. Jo teke móžno, nastajenja za aktualny tekstowy dokument definěrowaś.
Definěrujo zakładne nastajenja za dokumenty LibreOffice we formaśe HTML.
Definěrujo wšake nastajenja za tabelowe dokumenty, wopśimjese, kótarež se ma pokazaś a směr kursora pó celowem zapisku. Móžośo teke sortěrowańske lisćiny definěrowaś, licbu decimalnych městnow nastajiś a nastajenja za nagraśe a wuzwignjenje změnow póstajiś.
Definěrujo wšake nastajenja za nowo napórane prezentaciske dokumenty, na pśikład wopśimjeśe, kótarež se ma pokazaś, wužytu měrjeńsku jadnotku a lěc a kak se kśidno wusměrjujo.
Definěrujo globalne nastajenja za kresleńske dokumenty, mjazy nimi wopśimjeśe, kótarež se ma pokazaś, měritko, kótarež se wužywa a wusměrjenje kśidna a wopśimjeśe, kótarejž se matej pó standarźe śišćaś.
Definěrujo śišćaŕski format a śišćaŕske nastajenja za wšykne nowe formulowe dokumenty. Toś te nastajenja płaśe, gaž formulu direktnje z LibreOffice Math śišćiśo.
Definěrujo powšykne nastajenja za datowe žrědła w LibreOffice.
Definěrujo powšykne nastajenja za diagramy.
Pódawa internetne nastajenja.