Symbolowa rědka Formularowa nawigacija
Symbolowa rědka Formularowa nawigacija symbole za wobźěłowanje tabele datoweje banki abo za wóźenje naglěd datow wopśimujo. Symbolowa rědka se dołojce na dokumenśe pokazujo, kótaryž póla wopśimujo, kótarež su z datoweju banku zwězane.
Móžośo symbolowu rědku Formularowa nawigacija wužywaś, aby se w datowych sajźbach gibał ako teke aby datowe sajźby zasajźił a wulašował. Jolic daty se w formularje składuju, se změny do datoweje banki pśenosuju. Symbolowa rědka Formularowa nawigacija teke sortěrowańske, filtrowanske a pytańske funkcije za datowe sajźby wopśimujo.
Móžośo symbol nawigaciskeje rědki na symbolowej rědce Dalšne wóźeńske elementy wužywaś, aby formularoju nawigacisku rědku pśidał.
Nawigaciska rědka jo jano za formulary widobna, kótarež su z datoweju banku zwězane. W nacerjeńskem naglěźe formulara nawigaciska rědka njejo k dispoziciji. Glejśo teke symbolowu rědku Tabelowe daty.
Móžośo naglěd datow ze sortěrowańskimi a filtrowańskimi funkcijami wóźiś. Originalne tabele se njezměniju.
Aktualny sortěrowański pórěd abo filter se z aktualnym dokumentom składujo. Jolic filter jo nastajony, se symbol Filter nałožyś na nawigaciskej rědce aktiwěrujo. Sortěrowańske a filtrowańske funkcije w dokumenśe daju se w dialogu Formularowe kakosći konfigurěrowaś. (Wubjeŕśo Formularowe kakosći – Daty – kakosći Sortěrowaś a Filter).
Jolic SQL-wuraz jo zakład za formular (glejśo Formularowe kakosći – rejtarik Daty – Datowe žrědło), su filtrowańske a sortěrowańske funkcije jano k dispoziciji, gaž se SQL-wuraz jano na jadnu tabelu póśěgujo a njejo w modusu native SQL napisany.
Datowu sajźbu pytaś
Numer datoweje sajźby
Pokazujo numer aktualneje datoweje sajźby. Zapódajśo numer, aby k wótpowědnej datowej sajźbje pśejšeł.
Prědna datowa sajźba
Wjeźo k prědnej datowej sajźbje.
Pjerwjejšna datowa sajźba
Wjeźo k pjerwjejšnej datowej sajźbje.
Pśiduca datowa sajźba
Wjeźo k pśiducej datowej sajźbje.
Slědna datowa sajźba
Wjeźo k slědnej datowej sajźbje.
Nowa datowa sajźba
Napórajo nowu datowu sajźbu.
Datowu sajźbu składowaś
Składujo nowy datowy zapisk. Změna se w datowej bance registrěrujo.
Anulěrowaś: Datowe zapódaśe
Zmóžnja wam, datowy zapisk anulěrowaś.
Datowu sajźbu wulašowaś
Wulašujo datowu sajźbu. Wótpšašowanje musy se nejpjerwjej wobkšuśiś, nježli až se wulašujo.
Wóźeński element wótnowiś
Aktualny wóźeński element aktualizěrowaś
