Filtry XML napóraś

Filter XML za LibreOffice napóraś

Gaž filter XML za LibreOffice napórajośo, musyśo stilowu pśedłogu XSLT (stylesheet) naceriś, kótaraž móžo do a z datajowego formata OpenDocument XML pśetwóriś.

Jolic cośo, móžośo dokumentowu pśedłogu ze swójim filtrom zapśimjeś, aby formatowe pśedłogi LibreOffice na dokument XML nałožył, kótaryž importěrujośo.

Filter XML napóraś

1. Napórajśo stilowu pśedłogu za transformacije XSLT, kótaruž elementam datajowego formata OpenDocument XML elementy eksternego formata XML pśirědujo a nawopak.

2. Napórajśo dokumentowu pśedłogu, kótaraž elementam w eksternem formaśe XML formatowe pśedłogi LibreOffice pśipokazujo, gaž dataju w toś tom formaśe do LibreOffice importěrujośo.

3. Napórajśo w LibreOffice Writer tekstowy dokument a wubjeŕśo Rědy – Filtrowe nastajenja XML….

4. Klikniśo na Nowy….

5. Klikniśo w dialogu XML-filter na rejtarik Powšykny a definěrujśo kakosći filtra.

• Zapódajśo w pólu Mě filtra mě za XML-filter.

  Toś to mě se w dialogu Filtrowe nastajenja XML pokazujo.

• Wubjeŕśo w pólu Nałoženje nałoženje LibreOffice, za kótarež filter jo myslony.

• Zapódajśo w pólu Mě datajowego typa datajowy typ, až kótaryž filter jo myslony.

  Toś to mě se w lisćinje datajowych typach w dialogach Wócyniś, Eksportěrowaś a Składowaś ako pokazujo.

• Zapódajśo w pólu Datajowa kóńcowka kóńcowku za eksportěrowanu dataju.

  

  Aby dataju z drugich datajow XML rozeznał, zapódajśo drugu kóńcowku ako *.xml.

  
  

6. Definěrujśo na rejtariku Transformacija transformaciske kakosći za filter.

• (Na žycenje) Zapódajśo w pólu DocType identifikator dokumentowego typa za eksterny datajowy format.

  Toś ten identifikator se wužywa, aby pśi importěrowanju datajowy typ namakał.

• Zapódajśo XSLT za eksport sćažku a datajowe mě stiloweje pśedłogi XSLT, kótaraž transformaciju z formata OpenDocument do eksternego formata definěrujo.

• Zapódajśo XSLT za import sćažku a datajowe mě stiloweje pśedłogi XSLT, kótaraž transformaciju z eksternego formata do formata OpenDocument definěrujo.

• (Na žycenje) Zapódajśo w pólu Dokumentowa pśedłoga za import sćažku a mě dokumentoweje pśedłogi, kótaraž formatowe pśedłogi LibreOffice definěrujo, kótarež se w importěrowanej dataji wužywaju.

  

  Dataje, kótarež su na rejtariku Transformacija pódane, se do lokalnego wužywaŕskego zapisa LibreOffice kopěruju.

  
  

7. Klikniśo na W pórěźe.

XML-filter testowaś

Móžośo w LibreOffice zakładne testy na swójskem XML-filtrje pśewjasć.

1. Napórajśo abo wócyńśo tekstowy dokument.

2. Wubjeŕśo Rědy – Filtrowe nastajenja XML….

3. Wubjeŕśo w lisćinje filtrow filter, kótaryž cośo testowaś a klikniśo na XSLT testowaś….

4. Aby eksportowy filter testował, pśewjeźćo jaden ze slědujucych kšacow we wobceŕku Eksport dialoga:

• Klikniśo na Pśepytaś…, wubjeŕśo dokument LibreOffice, kótaryž cośo testowaś a klikniśo na Wócyniś.

• Aby aktualny dokument testował, klikniśo na Aktualny dokument.

5. Aby importowy filter testował, klikniśo na Pśepytaś… we wobceŕku Import dialoga, wubjeŕśo dokument a klikniśo na Wócyniś.