Wó filtrach XML
LibreOffice składujo dokumenty w formaśe XML. Móžośo swójske filtry napóraś, kótarež systemowy datajowy format OpenDocument XML, kótaryž LibreOffice wužywa, do drugego formata pśetwórjuju. Toś te filtry daju se njepósrědnje do LibreOffice integrěrowaś, aby wy mógał toś te formaty składowaś abo zacytaś.
Aby filter XML napórał, musyśo koncepta XML a XSLT derje znaś. Toś tej koncepta njejstej tema toś teje pomocy.
Filter XML stilowe pśedłogi wopśimujo, kótarež su w rěcy XSLT napisane. Stilowe pśedłogi transformaciju z datajowego formata OpenDocument do drugego formata XML z pomocu eksportowych a importowych filtrow definěruju. Dajo tśi typy filtrow XML:
-
Importowe filtry – zacytaju eksterne dataje XML a pśetwórjuju format datajow do datajowego formata OpenDocument XML. Za tym až sćo instalěrował importowy filter, se mě filtra lisćinje datajowych typow w dialogu Dataju wócyniś pśidawa.
-
Eksportowe filtry – pśetwurjuju dataje OpenDocument XML a składuju dataje do drugego formata XML. Za tym až sćo instalěrował eksportowy filter, se mě filtra lisćinje datajowych typow w dialogu Eksportěrowaś pśidawa.
-
Importowe/Eksportowe filtry – zacytaju a składuju dataje OpenDocument XML do drugego formata XML. Za tym až sćo instalěrował toś te filtry, se mjenja filtrow lisćinje datajowych typow w dialogu Dataju wócyniś a w dialogu Dataju składowaś ako pśidawaju.