Formularowe dokumenty XML (XForms)

XForms su nowy typ webformulara, kótaryž jo se wuwił wót World Wide Web Consortium. Model XForm jo w XML (Extensible Markup Language) definěrowany. Model separatne wótrězki wužywa, aby wopisał, co formular cyni a kak formular wuglěda. Móžośo specifikaciju za XForms na https://www.w3.org/MarkUp/Forms/ cytaś.

Z XForms źěłaś

W LibreOffice jo dokument XForms specialny typ dokumenta Writer. Nacerjeński modus za dokument XForm ma pśidatne symbolowe rědki a wobceŕki.

Za tym až sćo napórał a składł dokument XForms, móžośo dokument wócyniś, formular wupołniś a změny na serwer pósłaś.

Nowy dokument XForms napóraś

1. Wubjeŕśo Dataja – Nowy – Formularowy dokument XML.

   Nacerjeńske wokno XForms se w proznem dokumenśe Writer wócynja.

2. Naceŕśo swój formular.

• Zasajźćo wóźeński element, wubjeŕśo standardny model we wobglědowaku kakosćow a zapódajśo wězańsku instrukciju.

• Pśidajśo instancy element w Datowem nawigatorje.

• Zacytajśo nowu instancu z dataje XML a pśidajśo relewantnym elementam XML abo atributam wóźeńske elementy.

Dokument XForms wócyniś

• Wubjeŕśo Dataja – Wócyniś… a pón dokument XForms. Dokument XForms ma samsku datajowu kóńcowku ako tekstowy dokument Writer (*.odt).

Dokument XForms wobźěłaś

Wócyńśo dokument XForms a wužywajśo slědujuce symbolowe rědki a wokna:

• Symbolowa rědka Formularowe nacerjenje

• Symbolowa rědka Formularowe wóźeńske elementy

• Datowy nawigator

• Formularowy nawigator