Źěłowy zapis změniś

Gaž prědny raz dialogWócyniś abo Składowaś startujośo, LibreOffice waš źěłowy zapis pokazujo. Aby toś ten prědny zapis změnił:

1. Wubjeŕśo – LibreOffice – Sćažki.

2. Klikniśo na Móje dokumenty a pón na tłocašk Wobźěłaś abo klikniśo dwójcy na Móje dokumenty.

3. Wubjeŕśo w dialogu Sćažku wubraś póžedany źěłowy zapis a klikniśo na Wubraś.

Gaž w dialogu Wócyniś abo Składowaś k drugim zapisam pśejźośo, LibreOffice slědny wužyty zapis pokažo.

Móžośo teke toś tu proceduru wužywaś, aby zapis změnił, kótaryž se pśez LibreOffice pokazujo, gaž cośo grafiku zasajźiś. Wubjeŕśo – LibreOffice – Sćažki – Wobraze a slědujśo pón kšacoju 3.