Direktne formatěrowanje za dokument anulěrowaś

Móžośo wšykne formatěrowanja w mało kšacach anulěrowaś, kótarež njejsu se pśewjadli pśez formatowe pśedłogi.

Direktne formatěrowanje a formatěrowanje z pśedłogami

Formatowa pśedłoga jo sajźba formatěrowańske atributy, kótarež su pó mjenju (mjenju pśedłogi) zrědowane a identificěrowane. Gaž pśedłogu na objekt nałožujośo, se objekt ze sajźbu atributow pśedłogi formatěrujo. Někotare objekty samskeje družyny mógu samsku pśedłogu měś. Gaž sajźbu formatěrowańskich atributow pśedłogi změnjaśo, pótajkem teke wšykne objekty, kótarež su z pśedłogu zwězane, swóje formatěrowańske atributy wótpowědnje změnjaju.

Gaž pśedłogi njewužywaśo, a formatěrowańske atributy direktnje na tekstowe źěle nałožujośo, to se direktne formatěrowanje (teke manuelne formatěrowanje) groni. Formatěrowanje se jano na wubrany wobceŕk dokumenta nałožujo. Jolic dokument ma někotare wótstawki, wobłuki abo drugi objekt, nałožujośo direktne formatěrowanje na kuždy objekt. Direktne formatěrowanje jo z menija Format a ze symboloweje rědki Formatěrowanje k dispoziciji.

Atribut direktnego formatěrowanja, kótaryž se na objekt nałožujo, wótpowědny atribut pśedłogi pśepisujo, kótaraž k objektoju słuša.

Wšykne direktne formatěrowanja w dokumenśe LibreOffice Writer wótwónoźeś

  1. Tłocćo +A, aby ceły tekst wubrał.

  2. Wubjeŕśo Format – Direktne formatěrowanje wótwónoźeś.

Wšykne direktne formatěrowanja w tabelowem dokumenśe LibreOffice Calc wótwónoźeś

  1. Klikniśo na prědny tabelowy rejtarik, mjaztym až tastu Umsch (⇧) tłocyśo, a pón na slědny tabelowy rejtarik, aby wšykne tabele wubrał.

  2. Tłocćo +A, aby ceły tekst wubrał.

  3. Wubjeŕśo Format – Direktne formatěrowanje wótwónoźeś.

Wšykne direktne formatěrowanja w prezentaciji LibreOffice wótwónoźeś

  1. Klikniśo na rejtarik Rozrědowanje, aby rozrědowański naglěd wócynił.

  2. Tłocćo +A, aby ceły tekst wubrał.

  3. Wubjeŕśo Format – Direktne formatěrowanje wótwónoźeś.

Pšosym pódprějśo nas!