Tekstowu barwu změniś
Klikniśo na šypku pódla symbola Pismowa barwa, aby symbolowu rědku aktiwěrował, z kótarejež móžośo rěd barwow wubraś.
Pismowa barwa
Slědujuce jano za LibreOffice Writer płaśi: Jolic krotko na symbol klikaśo, mjaztym až tekst njejo wubrany, pokazowak myški swój naglěd změnijo a se ako barwowy zbórašk pokazujo. Wužywajśo symbol barwowego zbóraška z tłoconeju tastu myški, aby jen pśez tekstowy wobceŕk śěgnuł. Toś ten tekstowy wobceŕk wubranu barwu pśiwzejo. Funkcija wóstanjo aktiwna, daniž se symbol njetłocy, daniž njeklikaśo, bźez togo, aby śěgnjośo abo daniž tastu Esc njetłocyśo.
Slědujuce za wšykne module (LibreOffice Writer, Calc, Draw, Impress) płaśi: Wubjeŕśo tekst, kótaryž ma drugu barwu dostaś a klikniśo na symbolowej rědce na póžedanu barwu.