Dokumentowe pśedłogi zastojaś

Dialog Zastojnik dokumentowych pśedłogow wólažcujo dokumentowe pśedłogi zastojaś a zmóžnja wam, nowe dokumenty z dokumentowymi pśedłogami napóraś.

Aby wobźěłański cas zažarili, startuju dokumentowe pśedłogi nowe dokumenty z do togo wupołnjonym wopśimjeśim a formatěrowanim. Zastojnik dokumentowych pśedłogow wam pśistup k dokumentowym pśedłogam zmóžnja a móžośo z tym dokumentowe pśedłogi w LibreOffice organizěrowaś.

LibreOffice sajźbu zatwarjonych dokumentowych pśedłogow sobu pśinjaso, kótarež daju se wužywaś, aby wy dokumenty, prezentacije, tabelowe dokumenty abo kreslanki napórał. Móžośo dokumentowe pśedłogi wužywaś, kótarež w zastojniku dokumentowych pśedłogow k dispoziciji, swójske dokumentowe pśedłogi napóraś abo online za pśidatnymi dokumentowymi pśedłogami pytaś.

Głowne wokno – wuběrk dokumentowych pśedłogow

Pśeglědy k dispoziciji stojecych dokumentowych pśedłogow w głownem woknje na wašom pytańskem a filtrowem wuběrku bazěruju. Klikniśo dwójcy na symbol dokumentoweje pśedłogi, aby nowy dokument z wopśimjeśim a formatěrowanim dokumentoweje pśedłogi wócynił.

Wubjeŕśo Miniaturowy naglěd abo Lisćinowy naglěd dołojce nalěwo, aby změnił, kak se dokumentowe pśedłogi pokazuju.

Pytaś

Zapódajśo tekst do pytańskego póla górjejce nalěwo, aby za dokumentoweju pśedłogu pytał. Głowne wokno namakane dokumentowe pśedłogi pokazujo.

Filter

Móžośo filtrowaś pó: wšych nałoženjach, tekstowych dokumentach, tabelowych dokumentach, prezentacijach abo kreslankach, gaž nastajenje z wuběrańskego póla górjejce wesrjejź wuběraśo. Głowne wokno filtrowane dokumentowe pśedłogi pokazujo.

Kategorije

Kategorije su zarědniki, źož móžośo swóje dokumentowe pśedłogi wótpołožyś. Wšykne dokumentowe pśedłogi se w kategoriji wótpołožuju, daju se jano w jadnej kategoriji wótpołožyś. Móžośo ze standardnych kategorijow wubraś: Wšykne kategorije, Móje dokumentowe pśedłogi, Wobchodna korespondenca, MediaWiki, Druge wobchodne dokumenty, Wósobinska korespondenca a dokumenty, Prezentacije abo Formatowe pśedłogi. Móžośo teke nowe kategorije za swóje wósobinske wužywanje napóraś. Klikniśo na Zastojaś górjejce napšawo w zastojniku dokumentowych pśedłogow a wubjeŕśo pón Nowa kategorija, aby nowu kategoriju napórał.

Jo móžno, swójske dokumentowe pśedłogi pśesunuś zatwarjone dokumentowe pśedłogi do drugeje kategorije kopěrowaś. Wužywajśo nastajenje Pśesunuś, kótarež namakajośo, gaž z pšaweju tastu na jadnotliwu dokumentowu pśedłogu klikaśo.

Zastojaś

Klikniśo na Zastojaś górjejce napšawo, aby meni Zastojaś wócynił. Nastajenja su: Nowa kategorija, Importěrowaś a Rozšyrjenja. Jolic dokumentowa pśedłoga jo ako standard nastajona, se nastajenje Standard slědk stajiś zjawijo. Jolic swójska kategorija jo wubrana, se teke Kategoriju pśemjeniś a Kategoriju lašowaś zjawijotej.

Nowa kategorija

Aby nowu kategoriju napórał, aby dokumentowu pśedłogu wótpołožył, wubjeŕśo toś to nastajenje.

Standard slědk stajiś

Toś to nastajenje se jano zjawijo, jolic sćo nastajił wěstu dokumentowu pśedłogu ako standard. Wužywajśo toś ten pśikaz, aby toś to nastajenje wótwónoźeł. Wužywajśo Filter, aby pódał, kótara nałožeńska dokumentowa pśedłoga se slědk stajijo. Wubjeŕśo Wšykne nałoženja w Filter, aby dokumentowe pśedłogi za wšykne nałoženja na jich standardne dokumentowe pśedłogi slědk stajił.

Importěrowaś

Aby jadnu dokumentowu pśedłogu abo někotare dokumentowe pśedłogi do zastojnika dokumentowych pśedłogow importěrował, wubjeŕśo Importěrowaś a pón kategoriju dokumentoweje pśedłogi w Kategoriju wubraś a pón dataje, kótarež se maju importěrowaś.

Rozšyrjenja

Aby dalšne dokumentowe pśedłogi online pytał, wubjeŕśo Rozšyrjenja, aby pytańske wokno wócynił. Móžośo teke na https://extensions.libreoffice.org za dokumentowymi pśedłogami pytaś.

Akcije z jadnotliwymi dokumentowymi pśedłogami

Wócyniś

Wubjeŕśo dokumentowu pśedłogu w głownem woknje a klikniśo z pšaweju tastu a wubjeŕśo pón Wócyniś, tłocćo Enter abo klikniśo dwójcy, aby nowy dokument wócynił, kótaryž toś tu dokumentowu pśedłogu wužywa.

Móžośo teke tłocašk Wócyniś dołojce napšawo wužywaś, aby nowy dokument wócynił, kótaryž wubranu dokumentowu pśedłogu wužywa.

Wobźěłaś

Wubjeŕśo dokumentowu pśedłogu w głownem woknje a klikniśo z pšaweju tastu a wubjeŕśo pón Wobźěłaś, aby dokumentowu pśedłogu wobźěłał. Ze zatwarjonymi dokumentowymi pśedłogami móžośo kopiju wobźěłaś.

Ako standard nastajiś

Wubjeŕśo dokumentowu pśedłogu w głownem woknje, klikniśo z pšaweju tastu a wubjeŕśo pón Ako standard nastajiś, aby dokumentowu pśedłogu ako standardnu dokumentowu pśedłogu nastajił. Pśez to se zelena kokulka pódla wubraneje dokumentoweje pśedłogi zjawijo a dokumentowa pśedłoga se awtomatiski zacytajo, gaž se nowy dokument z góźbnym nałoženim napórajo.

Pśemjeniś

Wubjeŕśo dokumentowu pśedłogu w głownem woknje, klikniśo z pšaweju tastu a wubjeŕśo pón Pśemjeniś, aby dokumentowu pśedłogu pśemjenił. Pśez to se dialogowe pólo zjawijo, źož móžośo nowe mě za dokumentowu pśedłogu póstajiś. Zapódajśo mě a wubjeŕśo pón W pórěźe abo Pśetergnuś, aby hyšći póstajone mě anulěrował.

Lašowaś

Wubjeŕśo jadnu dokumentowu pśedłogu abo někotare dokumentowe pśedłogi w głownem woknje, kótarež se maju lašowaś a tłocćo Entf abo klikniśo z pšaweju tastu a wubjeŕśo pón Lašowaś, aby wubrane dokumentowe pśedłogi wulašował. Dialogowe pólo se zjawijo, kótarež was wó wobkšuśenje pšosy. Wubjeŕśo Jo, aby wulašował abo Ně, aby pśetergnuł.

Pśesunuś

Aby dokumentowe pśedłogi do drugeje kategorije pśesunuł, wubjeŕśo dokumentowu pśedłogu abo wužywajśo +kliknjenje, aby pśidatne dokumentowe pśedłogi wubrał, klikniśo pón z pšaweju tastu a wubjeŕśo Pśesunuś, aby dialogowe pólo Kategoriju wubraś wócynił, źož móžośo celowu kategoriju abo nowu kategoriju wubraś , do kótarejež dokumentowu pśedłogu pśesuwaśo. Zatwarjone dokumentowe pśedłogi njedaju se pśesunuś, ale kopije daju se w drugich kategorijach napóraś.

Eksportěrowaś

Wubjeŕśo dokumentowu pśedłogu w głownem woknje abo wužywajśo +kliknjenje, aby pśidatne dokumentowe pśedłogi wubrał, klikniśo z pšaweju tastu a wubjeŕśo Eksportěrowaś, aby swój wuběrk do zarědnika na swójom licadle eksportěrował.

Pśikłady

Pśikład 1 – Napóranje wobchodnego lista

1. Wócyńśo LibreOffice Writer

2. Tłocćo +Umsch ()+N abo wubjeŕśo Dataja – Nowy – Dokumentowe pśedłogi…, aby zastojnik pśedłogow wócynił.

3. Zapódajśo „wobchodny list“ do pytańskego póla.

4. Klikniśo dwójcy na jadnu z dokumentowych pśedłogow z głownego wokna, aby ju wubrał abo markěrujśo ju a tłocćo Enter.

5. Nowy dokument se w nowej instancy LibreOffice Writer napórajo, kótaryž toś tu pśedłogu wužywa.

6. Změńśo tekst a logo ako trjeba

Pśikład 2 – Dokumentowu pśedłogu importěrowaś – Wósobinska budgetowa tabela

1. Wócyńśo LibreOffice Calc

2. Tłocćo +Umsch ()+N abo wubjeŕśo Dataja – Nowy – Dokumentowe pśedłogi…, aby zastojnik pśedłogow wócynił.

3. Klikniśo na Zastojaś a wubjeŕśo Rozšyrjenja, aby online za dokumentowymi pśedłogami pytał.

4. Pytajśo za pśedłogu Personal Budget a ześěgniśo jo

5. Wócyńśo zastojnik dokumentowych pśedłogow a wubjeŕśo tłocašk Importěrowaś

6. Wubjeŕśo kategoriju, do kótarejež cośo nowu dokumentowu pśedłogu składowaś, na pśikład Móje dokumentowe pśedłogi a klikniśo na W pórěźe.

7. Pśepytajśo zarědnik, do kótaregož sćo ześěgnuł dokumentowu pśedłogu, wubjeŕśo ju a klikniśo na Wócyniś.

8. Dokumentowa pśedłoga jo něnto we wubranej kategoriji k dispoziciji.

Pśikład 3 – LibreOffice Impress – Prezentaciska dokumentowa pśedłoga

1. Wócyńśo LibreOffice Impress

2. Zastojnik dokumentowych pśedłogow se awtomatiski wócynja, gaž LibreOffice Impress wócynjaśo

3. Wubjeŕśo dokumentowu pśedłogu za swóju prezentaciju, filtrujśo pó kategorijach abo pytajśo

4. Móžośo teke kontekstowy meni wužywaś, importěrujśo dokumentowu pśedłogu abo pytajśo online za dokumentoweju pśedłogu.

5. Někotare funkcije w zastojniku dokumentowych pśedłogow njejsu k dispoziciji, gaž jen prědny raz awtomatiski wócynjaśo. Pó startowanju LibreOffice Impress móžośo zastojnik dokumentowych pśedłogow znowego wuwjasć, aby pśistup ku wšym funkcijam měł.